الهيـــــــــــــلا *** منتدى قبيلة عتيبة - استمتعوا ....... في حضرة ملوك المحاوره !!!!!!!!!!! مستور وحبيب

بسم الله الرحمن الرحيم

السلام عليكم ورحمة الله وبركاته

فعلا ن استمتعوا في حضرة ملوك المحاوره

لماذا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اولا هذه المحاورة جرت بحضور امير الشعر بشكل ن عام والمحاوره صاحب السمو الملكي الامير فيصل بن خالد بن عبدالعزيز حفظه الله

ثانيا لانها في افضل مهرجان لشعر المحاوره المغتره العريق

ثالثا اطرافها هم ملوك المحاوره حسب وجهة نظري وكل له وجهة نظره كيف لا وهم اروع ثنائي عرفته ساحة المحاوره على الاطلاق هذه ايضا وجهة نظر هم من قبيلة ن مورثها القلطه وليسوا كمن تركوا مورثاتهم واتجهوا للمحاوره:rolleyes:

ببساطه هي بين حبيب ومستور:eek:

اترككم مع هذه الرائعه

حبيب

تباشير نو الصيف بين الصلاتين *** وسيله مدبر فالضحا والعشيه
ياراع الذلول ام السفايف على وين *** اشوفك من العجله تحد المطيه

مستور

ليا امطر تصير الارض مثل البساتين *** ويازين برق المزنه العقربيه
ابا اسوقها يمك واحرر فلسطين *** عسى سوقها ساعه يحل القضيه

حبيب

طبيعي ظلال الرمش مايلطم العين *** ترى العين فيك ولدت العين فيه
عسى الله يعينك تقضي الدين بالدين *** وتسرح من الطايف وتمس الحويه

مستور

والا ياجماعتنا عسى فالكم زين *** وتدرون وين الصايبه والخطيه
والا ياحبيب من بعد عام الالفين *** عرفنا الهجاء وحروفه الابجديه

حبيب

عقول الرجال اللي تقر الموازين *** ولا يندم الا من يجيب الرديه
والا ياجبل قزوين في بحر قزوين *** ولا شد قبلك غير ضلعة طميه

مستور

حملنا من الدنيا حمول البعارين *** ولا للقويه ضد غير القويه
انا كيف اجيك بعلم ماله براهين *** والا ياحبيب منت راع الرعيه

حبيب

هاذي عادة الشجعان ماضي وذالحين *** وكل الفتن مفتاحها العنصريه
تشيل الحزام وباقي ن فيه مشطين *** ومشطين ماتكفي مع البندقيه

مستور

احافظ على الدنيا واحافظ على الدين *** وصرنا خوان وراحت الجاهليه
ترانا جنود وللاوامر مطيعين *** كما الملعبه مفتاحها في يديه

حبيب

ترا ابليس لو يدخل صفوف المصلين *** مايترك صلاته لاجله الا خويه
انا اعرفك شاعر قبل واحد وسبعين *** ولكن سامحني وعطني تحيه:D

مستور

مادام انت وانا تحت حكم السلاطين *** محايلك والله ماتمرر عليه:D
وانا ماعرفتك شاعر ن غير ذالحين *** من العام وينك يازبون الونيه

حبيب

علامك تحط السالفه بين قوسين *** تباني هدف للشرطه العسكريه:D
انا شاعر ن مايخلط الماء على الطين *** ولايشرب الا من عدود ن رويه

مستور

نصيحه تعوذ من جميع الشياطين *** قبل لاتنوشك سلة النافعيه
انا ماني اللي يخلط الزين بالشين *** وعيد الفطر قدام عيد الضحيه