|
عتيبه ودورها ومكانتها في شعر المحاوره
بسم الله الرحمن الرحيم
اخواني اعضاء منتدي الهيلا ظهرت فالاونه الاخيره اصوات شاذه وطرق خبيثه من اجل ابراز بعض الشعراء والضرب من تحت الحزام ودليل القلب حركاته فليعلم الجميع ان المحاوره سبعين فالميه لقبيلة عتيبه وهي القبيله الوحيدة اللي لها نصيب الاسد و30 فالميه لهذيل وسليم ومطير وحرب وهذا مايمنع ظهور شاعر هنا اوهناك لكن القياس مايكون علي حالة واحده او ثنتين او اربع القياس يكون علي اعداد كبيره فالشعراء وهذا العدد لايملكه الا عتيبه بسنا مجاملات وضحك علي الذقون تخيلوا المحاوراة مافيها عتبان وش يكون طعمها اكيد ماصخ بلا شك او تخيلوا ان شعراء عتيبه منعوا من المحاوره وش راح يكون وضع المحاوره انا اقولكم اول شي راح تكون في غيبوبه تامه وثاني شي شعراء القبايل راح يذبحهم الجوع والفقر وهذا الكلام اقسم بالله العظيم ماهو نفاق او محاباه لأحد االحمدلله بخير ونعمه والله لايغير علينا المحاوره لو ماسموها محاوره كان انا سميتها باسم يخص عتيبه فلا احد يضحك علي نفسه ويكابر هاذي وهايب يقسمها الله علي خلقه مالنا فيها يد والختام اقسم بالله حلف يمين غموس مخرج من المله كل حرف كتبته كتبته عن قناعه لا محاباه ولا مجامله |
ما شاء الله تبارك الله
الله يزيدك ايمااان ويثبتك على صراحتك |
اهل العقول الضعيفة خلها في ضعفها .....
مالحق الرياجيل شك وانا اخوك ..... |
اخوي خلف ...مشكور على الموضوع
هالفكره كانت في بالي من فتره . .وكنت اجمع افكاري عشان اطرحها. . لكن كان لك السبق اللي تشكر عليه ... لاني بصراحه اشوف قبيلتي_ ودون نقص فالقبايل_ لها النصيب الاكبر في الشعر عامه وشعر المحاوره بشكل خاص... وانا ما اقوله عشاني عتيبي لا والله بس هذي الحقيقه شف ابسط مثال مهرجان الغاط فيه اثنين عتبان والباقين واحد من سليم وواحد من مطير ..الخ ايضا المغتره كان نصيب الاسد لقبيلة عتيبه بالاضافه للمناسيات الخاصه للقبائل الاخرى لا تكاد تخلو اي حفله من شاعر عتيبي يجيد فن المحاوره بشكل جيد وهذا شي ملاحظ وانا هنا لا اتكلم عن وجودهم لمجرد الوجود بل غالبيتهم شعراء كبار اومتوسطين ومشكور مره اخرى |
انا اخطيت فالترتيب
وحطيت حرب اخر شي اسف جدا حرب فالمرتبه الثانيه فالمحاوره لان سليم الجبرتي وابومشعاب فقط وهذيل المسعودي والمطرفي لكن حرب اكثر عدد ابوناب ومعيض الحربي وعلي فكره يمكن معيض مايعرفونه اكثر الاعضاء وهو شاعر قديم وقوي افحم الشعراء لكن الاعلام علي وقته ضعيف والثالث صياف الله يرحمه والرابع رجالله الحربي وغيرهم كثير لكن ذكرت اشهرهم |
ياخلف تحسبني استهزيء فيك ترى الله اعلم بنيتي
مشاري الحبردي صبحت بالخير والله ونعم فيهم وفيك |
لا تنسى البقوم
المعنى البقمي ابن جرشان فيصل الرياحي وفريج الرياحي |
ايه ياكثرهم في المحاورات
خخخخخخ وإن شاء الله انهم بعد في غيره موجودين بكثرة أيضا ولو عرفتواا قيس العازمي في الزمن الماضي ما سألتوا عن غيره عموما كثرة شعراء القبيلة الواحدة سلبي للقبيلة وللمتلقي بش خاص يصعب عليه متابعة أخبار جميع شعراء قبيلتة ويتشتت ذهنه خصوصا هنا في السعودية اكثر من عشرين حفلة ليليا بواقع 40 شاعر عتيبي على أقل تقدير وغدا نفس الكلام وبعده كذلك كيف يمكنك حصرها ومتابعتهاااااا صعب جدااااا للغاية عموما وجود عدد شعراء من القبائل المنافسةأشبهها بغشاءالمعدة يحول بينها حتى لاتهظم نفسها إذا خليت من الطعااااام :d وعسى الله يكثر شعراء القبائل الأخرى على العز والطيب للحيولة دون ذلك كلمة أخيرة خلف المطيري أنت مكسب ثمين ليس لنا بل للإنصاف والحقيقة مهما كان الثمن كان الله في عونك وسدد خطاك وما أحوجنا لمثل هذة الآراء وإن كان لا تعنينا شخصياااااااا وسلاااااااااااامتكم جميعااااااااااااا مع كل الشكر والمحبــــــــــــــــــــة |
بيض الله وجهك يا ابو عبدالله
و ما يعد الحق الا الرجال الكفو الي مثلك و شرواك لا هنت :) |
كل قبيلة فيها شعارها
والمعنى على الكيف وليس الكم |
| الساعة الآن »07:45 AM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2024, Jelsoft Enterprises Ltd