هات القلم ياكتاب واحضرلي البوك=قدام لا يطوى علي اللحديا
الأوله اسمع وصاتي وانا ابوك=إن كان حظك زين قدم إيترديا
والثانيه لا تنهر أمك ولا أبوك=واحذر تضيع وكل يوم بوديا
أمك وأبوك اللي من الصغر ربوك=يبون منك المرجله يا سنديا
والثالثه عش الطراقي ليا جوك=ولا تذبح الا من كبار النجديا
والرابعه خلك لربعك وينصوك=قولة هلا خلك وسيع البنديا
ربعك ليا منك تمرجلت حبوك=وادمح لهم زلاتهم يابعديا
وأن شفتهم اخطوا عليك وتبلووك=خلك سوات الضلع طلعه نكديا
وأعط الرجال حقوقهم كان حجوك=وحقك إخذْه من الملا لا تسديا
مجناك من روس الرياجيل يابوك=وإن ضاعت الطاسه على غير جديا