الذيب مثل الذيب ذيب=والفار مثل الفار فار
ألي رماحه ماتصيب=عندي أله قطعت غيار

يالمرشدي خلك قريب=يلين نسري فالمسار
أرماحنا سقم الحريب=إن كان عج الخيل ثار

يامرحبا بك يالنديب=يامصنفن ضمن الكبار
منته بمردي النصيب=يامتيهن سود البكار

دام البقا بك يالحبيب=قلت الحقيقه لا غبار
حنا ليا سال الشعيب=نرعى بها القاع الخضار

المشاركة الأصلية كتبت بواسطة خلف المطيري (المشاركة 1094479) صحت الالسن والقلوب جميع متابع

المشاركة الأصلية كتبت بواسطة بناخي الايداء (المشاركة 1094492) زايد المرشدي نواف المري صحت السنتكم جميع تحيتي

البل عطايا من مجيب=ألي يدير ولا يدار
مانرخص البل للغريب=لو قال فيها من مليار

البل بها سحر ٍ عجيب=عز ٍ على الرجل ووقار
كم راس ماجاه المشيب=من طمعة طوال العمار