سلام تسليمة وفاء وافيه في كل لاحوال=تسليمتن من طيبها تشرح الصدر وشعوره
لا مرني راعي المعرفه وانا طرقي ورحال=يطيع شوري لابغا اشور ولا أطيع شوره

يامرحبا ترحيبةٍ من صميم القلب والبال=ترحيبةٍ يفرحبها اللي يفرّحنا حضوره
يابو شبيب ان كان في هاجسك كلمه وتنقال=اكتب على الصفحات شيٍ تشرفكم سطوره

دام البقا ياصاحبي صاحبك صراف الامثال=والوقت يا رجال يأخذ بنا لفه ودوره
المدرسه ياصاحبي ضايقه من كثر الاطفال=والي يناظر ماتحقق عيونه كل صوره

والنعم باللي يحكم القول بلسانه ليا قال=وان قال كلمة حق ماغيّر افكاره غروره
الطفل يكبر يالسبيعي لامنّه شاف عقّال=واصبح يقلدهم ويفهم ولو طالت شهوره

الدلو يارجال وشلون ماتصفق على الجال=والسانيه تظلع من والوقت والكبد أمعصوره
المشكله فالي صفا رأس ماله ثوب وعقال=ولارض من كل النواحي باللغام محفوره