عطيني شنطتي واعطيني اللاب توب والجوال=نويت ودون ارتب للسفر في خاطري نية
نويت لديرة تبعد عن بلاد الشمال اميال=ولاهي بالشمال ولاالجنوب من السعودية
يدق بي الخفوق وتنتشلني نوب ضيقة بال=الا يالله عسى ماتشتكون الضيق والسية
هواجيس بنفسي نوب تلزمني على الترحال=ولاأحب ان نفسي تشتكي من شي موليه
حجزت التذكرة ماعاد فيها يالعنود اجدال=ولاحددت فيها يأم نشمي موعد الجيه
ابرحل مثل طير طار في عالي سماه وجال=ابنفض عني هموم الزمان اللي بدت فيه
ابتبع ماتبي نفسي واخالف سكة العذال=انا مالي ومال الناس دام النفس مرضيه