يا راعي الجدعا عساك العيد فاليوم السعيد=يا جعلها تنعاد وأنتم حاضرينٍ عيدها
الله يدبر ما يشاء والله يدبر ما يريد=خل العلوم اللي تعل الناس من ترديدها

عيدك مبارك مار مره ثانيه حذرا تعيد=الكلمه اللي حسب تفكيرك قدرت تجيدها
المسلمين الهم وعد والكافرين الهم وعيد=دايم هل التوحيد تبقى مااختلف توحيدها

الله يبارك فيك والله يقبل اعمال العبيد=اعرف صيد الذيب واعرف الطيور وصيدها
جينا برمح اذياب في وقت الجهل فعله يبيد=وجينا بسيف ابن الوليد المشركين يبيدها

سولف وهات اللي معك يالله عسى علمك مفيد=يامطيب اللي يستفيد من العرب ويفيدها
لساع ماجتنا الرساله عبر صندوق البريد=وانا العلوم اللي بليا فايده مااريدها