فكري نضب جمه وكثرت عقايده=وامساء يوردها على جمة الويل
حاولت في عذله وحاولت احايده=بس المصاب اكبر من الجدي وسهيل
كلن لقاء في عيده اللي يعايده=وانا تعايدني همومي من الليل
انسان بين الناس يشكي وحايده=ولاحدً يعدل ميلته باول الميل
وانسان بين الناس يجني فوايده=لو انه مخلا على جرت الخيل
تجمعو للعيد وابعد بعايده=والضيقه اتغني على دلة الهيل
هذا جلب كبشه وركز عمايده=وهذا سبق ربعه وخلو له الشيل
وهذا عزم ناسه وقلط موايده=سما وسما معه ملعون وخبيل
تجمعو للضحك والضحك زايده=خيم على قلبي وفيض به السيل
اقدّم وانا قلبي يقدم شرايده=واقفي وانا زايد بمكنوني الكيل
اللي لوى وجهه وكثرت صعايده=واللي يحايلها على باقي الحيل
يابوي ذا وقتً كرهنا نكايده=يعمي صليب الراس ويبصر الذيل