سال سيل المشاعر من هماليله=وانسكب مثل طشن عقب رعادي
وانحدر شعري الموزون مع سيله=ثم صخرت عجز البيت للشادي
خربتها الظروف السود اكاليله=بين نبح الكلاب وحظي الغادي
ياليال القهر زودتي الكيله=مع صباح الألم ودروب الاجهادي
ويازمان الشقاء والهم والميله=ياسنينٍ عجافٍ ظلمها سادي
يامواويل حزني يامواويله=ردديني على تلعات اكالوادي
واعزفيني ألم والصوت اباشيله=والصدى من دموع العين ينعادي
غني الحزن فوق الرجم غني له=وذكريني حبيباً غاية امرادي
جيت في موعده والقلب يدعي له=ياعسى ما تشوفه عين حسادي
لكن الحظ صح صح عقب تعسيله=وأكتشف خطة الفرحة لميعادي
والقرار اصدره من بعد تحليله=تم منع الفرح عن جيت اعيادي
دام هذا نصيبي حتماً اتكي له=ومن تعود على الآلام يعتادي
الفرح حلم : لكن صعب تأويله=اكتنفه الغموض وخفت الالحادي
وبين هذا وهذا طاحت الحيله=من يديني وكل اللي بقى عادي

المشاركة الأصلية كتبت بواسطة مخاوي الطير (المشاركة 1088704) الله الله صح السانك عدد بلا مدد على القصيده الرائعه والجزله //

المشاركة الأصلية كتبت بواسطة عيضه الثبيتي (المشاركة 1088817) جيت في موعده والقلـب يدعـي لـه ياعسـى مـا تشوفـه عيـن حـسـادي لكن الحظ صح صح عقب تعسيله وأكتـشـف خـطـة الـفـرحـة لمـيـعـادي ياسلام عليك ياعبدالله لامست المشاعر بعذوبة أبياتك كل عام وانت مبدع وكل عام وأنت بخير

المشاركة الأصلية كتبت بواسطة بن رفااع (المشاركة 1088824) صح لسانك ياعبدالله قصيدة رائعة

المشاركة الأصلية كتبت بواسطة شاعر الثغر العذب (المشاركة 1088837) صح السانك مبدع دمت بحفظ الله