حبيب العازمي =

ياخلف ثبت الصوره على كل شاشه = لين تحفظ ملامحها بنفس الطريقه.
والشراره لياناشت جناح الفراشه = الفراشه تولع كلبوها حريقه.

خلف العتيبي =

تثبت الصوره اللي ماعليها غباشه = مثل شخصيتك يوم استلمت الوثيقه.
ابعد الزند والنايم حرير ٍ فراشه = والفتن تشتعل بالثانيه والدقيقه.

حبيب العازمي =

جعل وبل الخيال اللي سقاكم رشاشه = يسقي المسلم اللي فالخلا جف ريقه.
مايزيد الكلام ولايزوّد نقاشه = غير عكس اتجاه المعرفه والحقيقه.

خلف العتيبي =

رحمة الله على المسلم تزيده هشاشه = تفتح الباب واتفرج عنه كل ضيقه.
انت الظالم اللي فيك بطش ودباشه = تسلق البيض واعرف وش تكون السليقه.

حبيب العازمي =

كل مخلوق عايش عند ربه معاشه = مايحمل بمالايستطيع ويطيقه.
ياخلف بعد فاز ابها الصحابي عكاشه = ماتحصّل حرامي غير عنده سريقه.

خلف العتيبي =

البحر ياحبيب لو يغيّب قماشه = ناخذه بالسبب بين الشعاب العميقه.
خابرك راس ظبي ٍ مايدوّر عراشه = عن نقاب السنون نردها بالعليقه.

حبيب العازمي =

البحر يصطفق ولياتلاطم تحاشه = وان سبحت البحر حاول تطلع غريقه.
شفت لي داب من قدم له الرجل ناشه = إلتوى وانطوى بين الرفيق ورفيقه.

خلف العتيبي =

ثابت الجاش باللقوات ماهتز جاشه = يارد الموت ويعشي الذياب المويقه.
جنّب الداب وشجرته وجنّب خشاشه = واعف رجلك من اللقوات تصبح عتيقه.

حبيب العازمي =

مايهز الشجيع ولايزيد ارتباشه = غير نخوة قهر تعزف سوات المسيقه.
حاضره ماضيه من هاشه الداب هاشه = والافاعي تموت من اليدين الطليقه.

خلف العتيبي =

كابر ٍ في عيوني كنك اليوم باشه = مابقي غير اشيلك وادخلك فالحديقه.
اللحم بالصياني واللبن في غراشه = والشبب في شوارب من يعشي فريقه.

المشاركة الأصلية كتبت بواسطة الذيب العصيمي (المشاركة 1088003) تسلم يمناك يابو طايل لاهنت اي بالله لاهنت محاورة من قوها مادري وش يقصدون الله يجمل حالك ويسلمك دايم مبدع تحياتي