يامرحبا في حلة اهل المواجيب = ترحيبت(ن) تسوى ثلاثين ليله
جينا بدار العز نلق التراحيب = ونافس اللي يعرفون الجزيله

دام البقا ياللي بروس المراقيب=ويدور اللي فالفيافي دليلة
والثانية تسليمتي للاصاحيب=عقب الغياب أعم كل القبيلة

لاهنت ياللي تكسب الطيب بالطيب = مافيك لاشكه ولافيك حيله
حنا وردنا صافيات المشاريب = يوم انكم ماتزهمون الطويله

عاداتنا نسبق ومن دون ترتيب=للطيبة ما نلتفت للهزيلة
الشايب اللي لاح في عارضه شيب=ماهوب مثل اللي سنينه قليلة