من اللي عنده استعداد يلعب قاف؟
 

من اللي عنده استعداد يلعب قاف
عتيبي كان و الا شاعر مطيري



يجي عندي هنيا يحتمي الميقاف
وانا ماني بحي الله مثل غيري

صباح الخير يالشيوخي وصح السانك على هالبدع الكايف على نسيم الصباح

وبانتظار اللي يقابلك وصح السانه

لكن تعال ابيك بكلمة راس

وينك الليلة الماضية ماشفناك فالملعبة ولا شاعر ولا حاضر ولاهي من عوايك يالذيب

لاتقول وش هالقافة سوالي يدل إني أحبك وافتقدك بغيابك خخخخخخ


صح السانك ومتابعين للشيوخي ومقابله

بس بعد ما أخذ لي غفوة عن اذنك

احبك الله ياشيخ

انا موجود يابرق بس قلت اتحرى يمكن احد يطلبني والا شي لقيت ماحد يمي


الا تعال صدز هالحين انت مافيه موضوع الا ولك فيه رد ولا قد شفت لك موضوع ومحاوره


انت شاعر والا منظم حفلات خخخخخخخ


عساه نوم عافيه

ياسلام ياناصر الصف مافيه كلام في صف ولد عباد ولا يهون خالي براك

نعرفك يا مطيري ما علاك خلاف
لكن اصبر على حكم المقاديري



والا يا طير ياللي ماش منك اوصاف
عسى ما انت العوض ياطير في طيري

الله مير يبقيك


ابد اهل الحجاز عندك

وازهل الربع الباقين:)

حياك الله يالبناخي


يسعدنا تواجدك في اي صف كنت


لاهنت