ياهاجسي حضر وهات التفاكير=أظن صدري ينشرح وأتسلا
ضايق ولا عاد أحتمل زود تأثير= النفس ماتزداد وسعود ملا
ياوين أوجه وأبسط الرجل وأسير=مادام جيل العز والطيب ولا
راحوا طحاطيح الرجال المناعير=اللي لهم بالطيب ركن وسجلا
ماباقي الا قوم مسيت بالخير= ناسٍ على شتم الاوادم امبلا
واهمي اللي فجر الجوف تفجير= همٍ تولاني وعيا يزلا
يحش كبدي مثل حش المناشير=ويتل قلبي والمعاليق تلا
نواف يانواف ياسالم الزير=ياشجرةٍ وقت الشدايد تضلا
الصدر كن يدق جوفه مسامسير =والعين حلو النوم عنها مجلا
فزعتك ياخويه زبون المخاسير=ياسيفٍ بحزات وقته يسلا