معقول هذا الشيء يا ناس قد صار=معقول هذا الي نشوفه يصيري
معقول لا لا ماتخيل هالأفكار=ان نشوف البنت تلبس قصيري
تلبس بناطيل وتنانير قصار=بلايز ماتستر إلا اليسيري
والصدر مكشوفٍ على كل الأنظار=والبطن يظهر سره المستديري
يالأسف صار التعري له أنصار=والستر مستنكر ولا له نصيري
قل الحياء والدين خوف من النار=والخوف من ربٍ سميع بصيري
معقول هذا الشيء يا ناس قد صار=معقول هذا الي نشوفه يصيري
الرجل مستور وهي سترها طار=مع التحرر والتمدن يطيري
تمشي مع الموضه ولا همها إنكار=من ينكر المنكر وعنده ضميري
تشري ملابسها وتلبس وتختار=الي تبي وتقول أنا مثل غيري
تدفع على اشراء الماركات أغلى الأسعار=ولا عليها من صغير وكبيري
تقول خلونا على كيفنا أحرار=كل(ن) على كيفه وفكره يسيري
والأمي تدري مالها رأي بالدار=لاتستشار ولا على أحد تشيري
والرجل مسكين يدبر ويندار=ما عنده أمر وما بغنه يصيري
سواقهن يضرب بهن كم مشوار=لسوق والمشغل ويم الكوفيري
هذا زمان فيه الأخلاق تنهار=بإسم التطور إنهيار خطيري
ربتهم ام بي سي على الفحش والعار=والي بروتنا سقيط ودشيري
وال lbc نشر الرذيله لها شعار=أم التعري شرها مستطيري
وال art فيها بلى كل الأعمار=مزابل فيها فساد كثيري
أخص في هذا ولا أعم الأخيار=الي بهم في كل الأوقات خيري
معقول هذا الشيء يا ناس قد صار=معقول هذا الي نشوفه يصيري

صح لسانه مليون ولا يكفون


وهاذي قصيده لـ/حامد الضبعان

القصيده

وبنت القبيله ياعرب=تلبس كنادر من كعب
تصبغ شعرها الف لون=وأصباغ في وجهه عجب
وثيابها كمٍ قصير=وايدينها تلمع ذهب
وتحكي مع كل الشباب=عند الغدير بلا أدب

بقلمي
"بندر العصيمي"

المشاركة الأصلية كتبت بواسطة قحص ابن هاجد (المشاركة 1083302) والله وانا اخوك السبب في البيت واخطر منه المدرسه التعليم عندنا صار مهزله ترسل ولدك ولابنتك للمدرسه وبدال مايتعلم شي يفيده يتعلم قلة الادب فيه الان في امريكا نظام التعليم المنزلي يدرس الولد في البيت يروح للمدرسه للاختبار بس ليت هذا النطام يطبق عندنا

المشاركة الأصلية كتبت بواسطة فيحان العطاوي (المشاركة 1083423) بندر العصيمي لاهنت

المشاركة الأصلية كتبت بواسطة مشاري الحبردي (المشاركة 1083615) سلمت يمناك يابندر

الله يسلمك من كل شر