اليوم سافرت من ديره ليا ديره=وانا مكاني لكن في عقلي وبالي
اني مسافر مع الدرب ومشاويره=وانا ما سافرت بس افكر لحالي
تدرون وش مشغل(ن)بالي وتفكيره=حاجه من العام عيت لاتهيالي
عندي كبيره وعند الخالق صغيره=المعتلي بالعلاء عن كل متعالي
في يديه عمر الفتى واجله وتدبيره=فرد (ن) صمد لا سواه ولاله امثالي
والهم ما ياجد الدكتور تخديره=لكن يالله يامعبود ياوالي
تجلى وهج خاطر زادت سواعيره=ناره من العام جوفه تشعل اشعالي
اسلي الصدر بالطاروق تصبيره= ولا احذف عمامتي ثم احذف عقالي
هم بجوف الحشى تقطع مناشيره=من حدها تقطعه باقفاي وقبالي
قلبي كما البحر وهمومه بوابيره=تدفع بعضها ومرساها على الجالي
الله على اللي ليامنه عوى سيره=كنه عوى الذيب يقنب فالخلا الخالي
وليا نهض مقدمه قوة عزم قيره=صقر يبا ماكره فالمرقب العالي
ولا شجيع ليا زادت سعاطيره=فالحرب مايشحنه رجلي وخيالي
ليا مشى مع طريقه وعتدل سيره=من صدري الهم والهوجاس ينزالي
لوطال دربه عليه يهون تقصيره=ماهمه البعد ولا الدرب لو طالي
يبعدك عن دار ويقربك من ديره=شطر مع الناس تضرب فيه الامثالي
قامت تيوتا بتصميمه وتصديره=جيب (ن) تحسده ركوب عيال الانذالي
ماتحسده طيب المنهاج والسيره=غالي وفوق الغلى لايق على الغالي

المشاركة الأصلية كتبت بواسطة عبدالله الاصعر (المشاركة 1082162) اليوم سافرت من ديره ليا ديره=وانا مكاني لكن في عقلي وبالي اني مسافر مع الدرب ومشاويره=وانا ما سافرت بس افكر لحالي تدرون وش مشغل(ن)بالي وتفكيره=حاجه من العام عيت لاتهيالي عندي كبيره وعند الخالق صغيره=المعتلي بالعلاء عن كل متعالي في يديه عمر الفتى واجله وتدبيره=فرد (ن) صمد لا سواه ولاله امثالي والهم ما ياجد الدكتور تخديره=لكن يالله يامعبود ياوالي تجلى وهج خاطر زادت سواعيره=ناره من العام جوفه تشعل اشعالي اسلي الصدر بالطاروق تصبيره= ولا احذف عمامتي ثم احذف عقالي هم بجوف الحشى تقطع مناشيره=من حدها تقطعه باقفاي وقبالي قلبي كما البحر وهمومه بوابيره=تدفع بعضها ومرساها على الجالي الله على اللي ليامنه عوى سيره=كنه عوى الذيب يقنب فالخلا الخالي وليا نهض مقدمه قوة عزم قيره=صقر يبا ماكره فالمرقب العالي ولا شجيع ليا زادت سعاطيره=فالحرب مايشحنه رجلي وخيالي ليا مشى مع طريقه وعتدل سيره=من صدري الهم والهوجاس ينزالي لوطال دربه عليه يهون تقصيره=ماهمه البعد ولا الدرب لو طالي يبعدك عن دار ويقربك من ديره=شطر مع الناس تضرب فيه الامثالي قامت تيوتا بتصميمه وتصديره=جيب (ن) تحسده ركوب عيال الانذالي ماتحسده طيب المنهاج والسيره=غالي وفوق الغلى لايق على الغالي