ياسلامي على الشعار قاصـي ودانـي = يالعب الي يجيني يالعب الـي يجينـي
روحت مثل صب الدلو دلـو السوانـي = بين حرفن ضعيف وبين حرفن مكيني

يا هلا مرحبا و احرص و جيب السماني = و انتبه للسوالف من يسار و يميني
خل نظرتك يم الجدي ولا اليماني = و كل ما فات مات و خل سيفك سنيني

البقا يامرحب عد طرق المعاني= والسوالف حديثه والحقايق تبيني
نظرتي يم راع الطيب ذرب الساني =راعي العرف عند الناس علمه يزيني

يابن روق ابترم و اصهل صهيل الحصاني = و الحقايق تبا تظهر على الحاضريني
كل مخلوق يابن الناس فالوقت فاني = مير ذكر اهَل الطالات يبقى سنيني