يالله ياللي حميت البيت وأركونه=ياواحدٍ عالمٍ جهري وكتماني
أفرج لعينٍ من الأحزان مغبونه=وقلبٍ خفوقٍ لعب فيه وعناني
بأسباب خلٍ حدونا الناس من دونه=وانا على شوفها مغرم وولهاني
عمهوجةٍ غاليه بالحيل مزيونه=الله عطاها جمال أشكال وألواني
إن جيت للوصف شعري تعجز الحونه=الله أكبر جمالك يعقد ألساني
أنتي تبين الخبر دره ومكنونه=وإلا القمر لأكتمل في نص شعباني
( وإلا قصيدة شعر في بنت مزيونه=واللي بدع قافها وصل العطياني)
ياللي خذيتوا قليبي لاتردونه=أحسلي أموت مأعشق واحدٍ ثاني
الحب ذي دبرته يضهر بطاعونه=واجد ضحاياه من مسلم ونصراني
ماني بأنا اول حبيبٍ راح مضنونه=هذا زمانٍ وطى غيري توطاني