يابون

يا بون* ياعشق السحاب الملاقيح=اللي على غرتك قام يتثنا
غرٍ فجر صدره على شانها الريح=وأشتالها فالكون منا ومنا
يضمها ضمة قلوب المجاريح=اللي من الاشواق دايم تونا
يا بون* فأحظانك شروق التباريح=وبيداك جنه بالجمال أتهنا
لكن فلساني عن الحال توضيح=ماجوك بجوي ولو فيك أهلنا
أنا ربيت بنجد دار المفاليح=ارضي وعرضي والسنين أشهدنا
تصرف لتاريخ البطوله تصاريح=وتسجل الامجاد سيرة وطنا
وقلوب الامه في هواها مشافيح=كم عاشقٍ في نجد قام يتغنا
صحراء تقف من فوقها الشمس وتطيح=ولا طاحت من إقلوبنا يازمنا
نسمة هواها لو علاها لوافيح=إن لامست بعض القلوب أجذبنا
لا شفت للفجر المبكر تلاويح=سجيت وهموم الليال أنكفنا
ألقابها عن ضيقة الوقت تفريح=ويلقى بها المحروم ماهو تمنا
عذراء وأطايبها من الورد والشيح=وكفوفها من كل طيب أتحنا
تحجبت بالليل يوم المصابيح=نجوم ربٍ في سماه أعتلنا
نجد الفخر فيها للأمجاد توشيح=وفيها وناسة كل منهو معنا
غطّت على أوربا ولا فيه تجريح=وماديره إلا نجد مهما رحلنا
تملك لبيبان السعاده مفاتيح=هذا الصحيح وردو العلم عنا

صح ألسااااااانك يامرزوق

إبداااااااااع التصميم مطرزاً بروعة التنسيق

سجل إعجابي بدون مجامله وتقبل ملاحظتي التي تحتمل الخطاء أكثر من الصواب

تحياتي وتقديري

المشاركة الأصلية كتبت بواسطة ابراهيم الجـــــذع (المشاركة 1078335) صح السانك على القصيده الجزله مصمم وصممت قصيده رائعه تحيتي وتقديري

المشاركة الأصلية كتبت بواسطة طلال ناشي (المشاركة 1078394) عذراء وأطايبها من الورد والشيح=وكفوفها من كل طيب أتحنا عذراً وريحة طيبها الورد والشيح = وكفوفها من كل طيب أتحنا صح ألسااااااانك يامرزوق إبداااااااااع التصميم مطرزاً بروعة التنسيق سجل إعجابي بدون مجامله وتقبل ملاحظتي التي تحتمل الخطاء أكثر من الصواب تحياتي وتقديري

المشاركة الأصلية كتبت بواسطة شبل القبيله (المشاركة 1078415) صح السانك على القصيده الجزله