مرثية الشيخ مناحي بن عجاب العتيبي
 

بسم الله الرحمن الرحيم

أخواني مشرفين وأعضاء السلام عليكم ورحمة الله وبركاته

يشرفني أن أشارك في منتدى قبيلتي وبين أخواني وأول مشاركه لي
قــصــيـــــــدة<مرثية> في أحد أعيان وكبار قبيلة عتيبه
الشيخ مناحي بن عجاب بن بدر العازمي العتيبي<رحمة الله> رجلاُ أشتهر بالكرم والشجاعه والنخوه وحرصه على المراجل والحقيقه يعجز لساني عن حصر سجاياه الطيبه والنادره رحمه الله واسكنه فسيح جناته



ياعين مالك ومــــــال ألدمع ياعيني ..... مالك وماله مـــــدام الصحف مطويٌــه
ماينفع القلب ولا يشفي شراييني ..... لو أبكي ألـٌدم حتىٌ يسيــــــل واديُـــه
ونـ كان دمعك سرا ولاعاد يمديني ..... هلي صدوق الحشا واسترسلي فيٌه
أبكي عليٌ وعلا مـاحاشت ايديني ..... قبل الندم والرحيـــــل يكذب ألجيٌــــه
واقول لــ للي علا(مناحي)يعزيني ..... جود صــــلاتك وصف القلب والنيٌــــــه
مامات من خلف ارجالن ميـــاميني ...... ومامات من سمعته بين البشر حيُه
حاز المراجل وحاز الطيب والديني ...... وعطــ الكرم حقه بكفن رهـــــــــاويٌه
حراً شهر واشتهر بين الكريميني ...... بــــ المده الجزلــــه وحسن الكراميٌـه
رحل بعد ماكسب والنـعــم نعميني ..... واعجاب كل النشاما فوق الأرضيٌــــه
مرحوم ياللي بعدك ألسهٌر يعنيني ..... والليل موحش وســــاعاته شقـــاويٌه
مـــــاعاد حتىٌ بعدك ألحي يحييني ..... ومــــاقصدي أذم الأحـــرار ألنداويٌــه
أللي عن النـــــاس لاجيته يكفيني ..... مـــــاقلط أعذاره ونـــــاره ســـــناويه
ياقف معي وقفتن تقــــهر عدويني ..... ألوقفـــــــه أللي تفك ألحٌي من حيٌه
ياالله عسا داره الأخرىٌ بساتيني ..... مـع ألنـبـيـيـن في جنـــــــــات علــٌــيٌـه
ويجبر عـــــزانا عليك اليوم ويعيني ..... ودربن مشيتــه نبـــا نمشيه رجـــليٌــه
جميع مـــافوقها مخلوق من طيني ..... والوقت غــربه وفيه النــاس طرقيٌـــه
مــــــادامت لصفوت وخير ألنبييني ..... نـبـيـنـا خــــاتم ألكتب الســــــــماويٌه
والله يطـول بـقـــــا روس ألوفييني ..... أهــل الكــرم والمواقيف الحقيقيٌــــه

وسلااااااااااااااااااااامتكم

أسأل الله أن يغفر لنا وله ولوالدينا ولعموم المسلمين

عبدالعزيز بن مستور

الله يرحم الشيح مناحي




ومرحبا مليون يا ابومستور بين اخوانك





ونبي منك الاهنت رديتك انت وبندر المحياء


وتقبل مروري

تسلم وتحيا وتبقا كثر ماقلت واكثر

والقصيده أللي طلبتها مني قديمه ولاكن أبشر بقصيدة أخوي بندر المحيا وقصيدتي في موضوعي القادم
وأسعدني مرورك الكريم يا أخوي سلطان


وشكرا ُ

رحمه الله واموات المسلمين ......... وبيض الله وجهك يا بن مستور قصيدة جميلة تستحق الاشاده ..

الله يرحمة

سلامه بن ماجد ملافخ العتيبي

العتيبي فالح ...صحححح بدنك وشكرا ً على مرورك الكريم
السراح الروقي ووجهك أبيض لاعدمتك وشكرا ً على مرورك
نسيب أمطير........وصحح بدنك وبيض الله وجهك

الله برحمه ويرحم اموات المسلمين امين