مستور ورشيد ..قديم
 

مستور العصيمي

يالزلامي قوم بيني وبينك علم زين
مشكله بيني وبينك ودور حلها
العصيمي ما يعاينك غير بنص عين
وانت ضويت المصايب علينا كلها

رشيد الزلامي


كان عندك مشكله يا معاون يا معين
حطها عندك القبوري وروح وخلها
انت تال الوقت صايبك مكر ابى الحصين
مير فتح لي عيونك تراه احسن لها

مستور العصيمي

امس خمسه فالمشوره وذالحينه ثنين
من يدور للدروب السليمه دلها
يامكافينا البلا من قرون ام القرين
ما نطاوعها تجي لارضنا تحتلها

رشيد الزلامي

قلت لك مره واكرر كلامي مرتين
وقت الساعه لخمس الفروض وصلها
انت من قال لك هات الحسن وابن الحسين
جعلها روس ٍ يجيها المطر ويبلها

مستور العصيمي

قلت لي مره وقلت رايح وين وين
مابقي يالخبل غير السيوف تسلها
عندنا شيخ ٍ مطوف لحجاج القرين
ما نصاحب ناس ما دلنا من دلها

رشيد الزلامي

والله اني لي سنه شايف ٍ خاطرك شين
مار فل الحجه اللي بجيبك فلها
مالقيت اسمك مع الاربعه والاربعين
مير لا تدبل كبود العرب وتعلها

مشكوووووووووور

فيديو منقول من منتديات الشاعر فلاح بن صياف

http://www.youtube.com/watch?v=gcSdsSR0nAY

http://www.youtube.com/watch?v=SDEaa...eature=related

بيض الله وجهك يالمثالي وبيض الله وجهك ياعواد ناجم

والمحاورة اطول من كذا ...


اذكر بيت لـ رشيد :

قالوا الخبلان عد الحصى يابا الحصين
والحصاه اللي ركب في ظهرها زلها

الله يعافيهم ويسلمهم مدارس شعريه ..



بيض الله وجهك يالغالي ماقصرت


تحيتي
..

مستور و رشيد

الله يحفظهم

شعراء عمالقه


ومشكور على النقل