الهيـــــــــــــلا *** منتدى قبيلة عتيبة - ياقو قلبك على الصده وياصبرك

- الشعر الشعبي (http://www.otaibah.net/m/forumdisplay.php?f=9)

- - ياقو قلبك على الصده وياصبرك (http://www.otaibah.net/m/showthread.php?t=113270)

ياقو قلبك على الصده وياصبرك

ياقو قلبك على الصّـده ويـا صُــــــبـرك
وياوسع صدري على صدك ويا صُبري

وياطول عمـرك بذاكـــــــرتـي وياكُبـرك
وياشيب عيني بشيّب عــــاد ذا كــــُبـري

والله لون حمل صبري فوقـك..ان تبرك
والله ولو تعتذر منـت بعلـى خــــــــبـري

ان ما جبرك الغلا ما اقدر على جـــبـرك
ياللي على ارض الوفـا ما شبرك بشبري

تـــزعل وترجع وتـلقانـي عــــلـى خبـرك
وانا انكسر لك واجـــــيـك ادوّر لــجبـري

طـــيفك وذكــــراك طـيلـة غيبتـــك سبـرك
وشـــــوقي لشوفتك طيلة غيبتـك سبـري

امـــــحق وليف ومحبه والا اقــول ابـرك
حسبي عليك اعشقك وانت اتحفر قــبري

الشاعر الكبير محمد ابن فطيس

رجل جزل وشعره جزل

سلمت يمناك ع النقل وصح لسان الشاعر