|
فاتورة جوالك نص..التغيييير
السلام عليكم ورحمة الله وبركاته
رجو التفاعل والردود كي تعم الفائدة وكي لايصبح منتدانا متخلف وهو يحمل اسم القبيلة وشكراً مقدماً . الموضوع اليوم مهم جداً لأصحاب الفواتير العالية من شركة الأتصالات السعودية . لأن الفواتير اللي تصدر لأصحاب الجولات قسمها على أربعه والناتج الفاتورة الحقيقية .. يعني 1000تقسيم 4 يساوي 250 هم ياخذون 1000 وحقهم الحقيقي 250 ريال . ملاحظة = لو أرسلت رسالة استعلام عن الفاتورة الغير مفوترة قبل صدور فاتورتك بيومين تجد التلاعب واضح . كيف ؟ خلك معي دقيقة لو ارسلت رسالة استعلام عن غير المفوتر قبل صدور الفاتورة بيومين يرسلون لك مثلاً 348 وعند صدور الفاتورة تكون 769 ريال ايعقل خلال يومين استهلكة مايقارب 300 ريال ماخذين راحتهم عالأخر العملا مساكين اللي يطالب يمرمطون فيه لين يرضى غصب وانتظر .. رفعنا لك طلب .. رفعنا لك تضلم .. وأخيراً سدد وانت ماتشوف الدرب . شيك على فاتورتك تجد اشياء مالك بها علاقة مثل رسائل تبادليه .. خدمة ابواب .. وغيرة وغيرة . انا سبق وأجريت تجربة أو اختبار ذمه للشركة الموقرة قمت واطفيت جوالي شهرين استقبال فقط واستخدمت بطاقة سواء وجتني فاتورة 225 ريال . يعني فيك فيك الفاتورة . الحل هو التغير يعني الأنتقال من شركة القهر والنصب الى موبايلي والله ياجماعه الناس اللي كانت تجيهم فواتير على 600 ريال الحين فواتيرهم متجاوز 130 والله ان بعضهم تجيه 65 , 98 ريال . عندك قوقل ابحث وشوف الناس اللي غيرو كم تغيرت فواتيرهم . هذا غير المميزات اللي عندهم مثل التجوال الدولي تكلم وكنك داخل الدوله واللي يكلمك نفس الشي . الطريقة : تسدد كامل فاتورتك وتطلب اخلا طرف وتذهب به الى مكاتب موبايلي وتسجل معهم بنفس الرقم . ولكن انا سمعت ان الشركة تفاجئت بكثرة المحولين الى موبايلي وقامت تضع امامهم العراقيل كي يتراجعون مثل تعال بعد أسبوع أو رفعنا لك طلب كالعادة موقفه مؤقتاً . المهم نصيحتي التغير والنصيحة من واقع ملموس يعني مجرب . ارجو التفاعل والمشاركة بالردود وخصوصاً اللي حولو الى موبايلي والسلام عليكم |
ابو فارس بيض الله وجهك على الموضوع الطيب وانا من الذي خاضوا تجربة تغيير شركات الاتصال وتركت شركة الاحتيالات السعودية وتوجهت لموبايلي وقبل كانت فاتورة في الاحتيالات تصل الحد الائتماني كل شهر بالضبط يعني اخر اشهراتفاجاء بانقطاع جوالي وقمت وحولت لموبايلي والان فاتورتي شهرياً متوسطها 100 ريال فقط |
موضوع مفيد يا أبو فارس
بالنسبة للإسفسار قبل الفاتورة بيومين لا يشمل الرسوم فقط المكالمات وبالنسبة لرسائل المحتوى فقد يكون عليك أكثر من إشتراك في أكثر من خدمة وكل خدمة أقل إشتراك 12 ريال شهريا وأنت تدفع الرسوم وأنت لا تعلم وهذا أيضا لا يدخل في خدمة الإستعلام ولمعرفة عدد الإشتراكات اللتي عليك ماعليك فقط إلا إرسال رسالة فارغة إلى الرقم800828 مجانا ويصلك رسالة بعد خمس دقائق توضح لك الإشتراك ورمزة إسل رقم الرمز مسبوق بحرف (غ) فقط إلى الرقم 800828 تصدق حصلت نفسي مشترك في جوال السودان بدون إي فائدة أو يصلني رسائل ....!! أما موبايلي كل مايعيق خدماتها عدم وجود موظفين يردون عليك مباشرة والله إني مرة جلست 58 دقيقة حتى يردون علي وأنا أفكر جديّا بموبايلي ولايعيقني سواء رد مسئوليها وكل الشكر على الموضوع القيّـــــــم |
اخوي ابو فارس
انا طلعت رقم للأتصالات وقام النصب على ظهري لفاتورة تجيني 870 ريال وكلام فاظي المهم رميت هذا الرقم ورحت للموبايلي وطلعت رقم مميز مع باقة تميز والله انها احسن كل سته شور لك تذاكر سفر داخل السعودية بقيمة 1500ريال وكوبونات تشتري من محلات راقية وفخمه المهم انهم يعاملونك معاملة والله يستاهلون 1000مع ان فاتورتي كل شهر800؛؛لاني ماخذ باقة تمير والباقة ذي تكلم منا لبكره فاتورتك وحده 800 لو تمسك تلفوونتك من اول الشهر لاخره 800 بس |
الحمدلله لي اكثر من سنة جوالي موبايلي وفاتورته في حد المعقول والشيء المرضي
وعندي الحدالاتماني 300 ريال ولاعمرة أنقطع ألا مرة وحد فقط ابشرك مرتاح من وجع الراس مع شركة النصب والاحتيال السعودية ! |
| الساعة الآن »10:10 PM. |
Arabization
iraq chooses life
Powered by
vBulletin®
Version 3.8.2
.Copyright ©2000 - 2025, Jelsoft Enterprises Ltd