سلام تسليم الرجال اللي يعزون الرجال = مقيول لكن ويش يمنعنا نجي ونكرره
اصحابي الغالين تال الوقت تشبه للجمال = اللي تورد نقعة ٍ عنها الجمال مصدره

يامرحبا ترحيبةٍ ترضيك ياذرب الخصال = ختمي عليها مال أحد فيها ولاهي مزوّره
اصحابك احدٍ مايرد غير بطويلات الحبال = واحدٍ مقصّر ربي حباله ولافيه ثمره

عسى البقا لك يالخطيب اللي بوسط الاحتفال = وقف يقول الحفل ياطيبه وهو من دمره
ياحافرين قبور موتاكم ترى ماهو حلال = مافيه مسلم يخرج الميت بعد مايقبره !

عز الله اني دوبني مادحك ياولْد الحلال = ادري صعيبه ترك طبع أُبيَّك اللي ذاخره !!
يامدّعي بالدين عيب تقول شئٍ مايقال = لن كان عندك مايبرّر موقفك لي ,, برّره !!