النفوس الطيبه ماتضيق صدورها=لو رماها وقتها في قصاء والا جحيم
علم اللي كن نفسه وراء مقدورها=كيلهـا من كم هــم على الخاطر مقـيـم
علمه لو جاء العرب في مثان قصورها=مابرء جرح فرى مهجه الصدر السليم
ولو يناجي ميت القوم جوف اقبورها=وش قضاء من حاجه فالضماير من قديم
حطها شين الدهر لين دقت زورها=في حنايا هاجـس يحترق مثل الهشــيم
العرب من يلحس العام قوع اقدورها=عانه اليومه على رؤسهـا مثل الرجيـم
عدها زل زلالن على ميسورها=في مكـان كل من جاه محــشوم كريـم
وان نظرت الوجعته مانفع دكتورها=مانفـع في طبهـا حيـث راعيـها سيقـم
يالله انك تكشف العله اللي سورها=خاويات اعظام مرضانها مثل الرميـم
كن قاس ايامها في مدار اعصورها=مكره في مخـطرتها تلوى راس سـيم
وعن حياته كلها ماعبر بابورها=غبـتن راع المـراجـل عليهـا مايقيــم
كرها ثم كرها لاتموت سرورها=والرجاء في عزها من يد الله العظيم
كم عطاء الله خير ناس بوسط اخدورها=وشهدن الله دايـم على خلــقه رحيـم
اغتنم لامن ظهر في ليالك نورها=واقتبس ساعات عمرك من العقل الحكيم
والرجال الطيبه لا تخالف شورها=وللعــلــوم الباقيــه دور والله العــليــم
نعنبوها حاجه ماقضاء لامورها=ذاك يومنه على حضــنها طفل فطــيم
حاجة تصغر بعينه ويكبر دورها=ماعليها نــسنس الصبح ذعذاع النســيم
لو علمت ان السنين السنين ادورها=كان مكانــت على منكــبه مثل النديــم
ينحني فيها ظهرها على باكورها=والبـلى في عيــنها واسود الليل الظلــيم
الفياف السرمديه تضيق انحورها=في عيون مفهى العــقل مندوب الحريم
واحد في كل عمره دليله عورها=وان سكن في دورها وان ظـهر منها يهيم
والعقول اجناس عند البشر في طورها=بعضها للمعرفــه باب والثاني عقــيم