مساك الله بالخير يالجذع واستلم

يدوم الك البقا يا اللي ترحب والسيوف احداد=وحنا اللي نحرك كل سوق بروس الأموالي
اخاف أنك يا بن مشيب تنوخ ما وصلت الماد=الا يا سرع ما تبدي براس النايف العالي

انا جاني خبر ياهل الخبر عن قوم نوح وعاد=تموت اجدودها مار الضّنا شينين الاعمالي
انا قدمك وصلت الماد وانت اربع عن المقعاد=ابك اتسير بوزاني بمطلاعي ومنزالي

ليا فرقت تاريخ العرب هجري من الميلاد=تبا تلقا العلوم الأوله مع جيلك التالي
أنا ماني خوي اللي ذلوله بالخطام تقاد=تبا ترقا الجبل والا تروح مع الخلا الخالي

المشاركة الأصلية كتبت بواسطة ابراهيم الجـــــذع (المشاركة 1073737) ليا فرقت تاريخ العرب هجري من الميلاد=تبا تلقا العلوم الأوله مع جيلك التالي أنا ماني خوي اللي ذلوله بالخطام تقاد=تبا ترقا الجبل والا تروح مع الخلا الخالي

دعاوي للقضاء ترفع وسبتها من الاوغاد=احد يعطى حقوقه واحد(ن) ماجوه بريالي
اجل خلك بجنب اللي يفشن اللبن لاجاد=وانا بلقى من الهيلا خوي(ن) يسعد البالي