علـى بنـي عمـي نمسـي والدعـاوي لاحقـه=سـلام ياحضـرة ذوي ميـزان ذربيـن اليمـان
منصور أبن شـلاح لـو زهّـب عليكـم بندقـه=مايرمي ألا راس مخطـي ياكريـم ومستعـان.!!

وعيـال عمـك مـن غـلاك اتفزلـك متسابقـه=يامرحبا باصحاب اخو نوره على علـم وضمـان
وانـا ليـا مليـت نـوب اهوزكـم بالمطـرقـه=كله عشان العشر ماترجع علـى راسـي ثمـان

مانـي بمستغـرب علاكـم والحقـوق محقّقـه=دام البقا .. واللي يقابل للسمان .. أهل السمان.!!
أنتم منوّل فـي الخيـام وبعدهـا فـى الصندقـه=وين التطوّر بس ؟... والعالم تطوّر من زمان .!!

ان احمد الله يوم اشيل الخـوف عنكـم واسرقـه=يا اصحابنا الي جاتكم حلوه من اطراف اللسـان
وشلون تنسى ثـرب وبريريـق عديـت ابرقـه=ولاتبانـا نتصـل ونشهـد الـعـود اسـرحـان

الليل يافهيدان فـي الميـدان شمسـك مشرقـه=والله ماتطلع من هنيـا ليـن يـذّن لـلآذان .!!
ياحـي ذيـك الديـرة اللـي بالرجـال منسقـة=لو ماتعاندني ظروفي .. كان زرتك برمضـان .!!

لاتتركـون فهيـد يالضبطـان وسـط المحرقـه=الليلـه الليلـه نباهـا مـن مكـان اليـا مكـان
ياكثـر حبـي للريـاض وللقصـيـم ومفـرقـه=والكره كلـه للديـار الـي ماهـي ديـرة حنـان

اللـي تكنّـه فالضميـر .. الليـل لازم تطلـقـه=أبشر بعزك ياطليق الوجه .. ياولـد الحصـان .!
أما تطيـر الطايـرة .. حتـى صحيبـك تلحقـه=وإلا رجع صاحبك لدياره مـع فـلان وفـلان .!

لاوالله الاقـام حـضـي والهـجـوس محلـقـه=الله يبـارك فـي رجـال مجدهـا شاهـد عيـان
عسـى تباشيـر السعـد دايـم عليـك معلـقـه=ويالله عسى عيني تشوف اسمي مصدر فالبيـان

قبل المفطّـح لايقـرّب .. فيـه فرسـن ومرقـه=وكلن يدسّم شاربه ..بعد المفطّـح بالدهـان .!!
لو كـل حـظ إليـا بذلنـا للجهـود .. نصدقـه=ما كان نضمن داخل الدولة ولا الدنيا الأمـان .!!