قوم يا راعي الجدعا مصيرك مصير=المعاني تبا من يعرف اهدافها
وأنت تعرف عتيبه فالنهار الكبير=كم رجالاً سواتك داروا اكتافها

قمت والحر الاشقر غير عن كل طير=كم وكم صيدةٍ لشافها عافها
انت تمدح عتيبه فالزمان الاخير!!=مار اخبر الخلايف تمدح اسلافها

منته وايل كليب اللي فعوله تثير=والحرار الصوارم راسك اعلافها
الخلايف عتيبه والرفاقه مطير=والمعاني رفيعه شهلوا قافها

معتزي باسم جدي ما اعتزي باسم غير= والعلف له طيور وصفك اوصافها
الفرزدق يخبر اللي جرى مع جرير =يوم صولات بعض الناس وانكافها

جعل فالأمر خيره جعل فالأمر خير=من سعى وسط مكه يا ولد طافها
ليت بعض العرب فالدرب ما هو ظرير=كل ذيبٍ يعرف القوم وأن حافها

ما انت شايل ضغير ولا انت شايل كبير=مايعرف الدراهم غير صرافها
يوم بعقاء رحاها يااجودي مستدير= فّرق العلم بين القوم واحلافها

ما يسوق البعير اللي يقود البعير=يوم هفت زبيده وين مذلافها
كان دارة رحاها كيف تمسي قرير=ترمي اهداف نون العين ما شافها