الهيـــــــــــــلا *** منتدى قبيلة عتيبة - آخر محاوره لـ فيصل الرياحي & حبيب العازمي ..

بسم الله الرحمن الرحيم

هذه محاوره معروفه لدى الكثير من الناس ومتابعي المحاوره قبل عام الفين وجيل الالفين

وربما أنها هي آخر محاوره جمعت بين

الشاعرين العلمين فيصل الرياحي رحمة الله عليه و حبيب العازمي ..

فيصل الرياحي:

فيه موضوع جديد وفيه ضربة قاصمه=ياحبيب كيف ذكريات قصر العاصمه
ماعلينا من عيون الضاحكة والباصمه=ولعي ينارفي راس الفتيله ولعي

نارنا يوم زدناها طعام = ولعت في ثياب العازمي

التلاميذ ابلشونا وادرسوا بعض الدروس=وان كبر واحد يقول ارجوك زوجني عروس
وانت ياحبيب ياصاحبنا تهوجس بالهجوس=ولعي ينار في راس الفتيله ولعي

كل ماجيت قلنا ياسلام = طق جبهتك مشعاب بقمي

حبيب العازمي:

فيه موضوع جديد وفيه ضربه قاضيه=ضربة ذكري عزيزه لليال الماضيه
الحجاز حجاز دايم والرياض رياضيه=ولعي ينار في راس الفتيله ولعي

ناركم طافيه عشرين عام = لوتشبونها ماتحتمي

التلاميذ ادرسوا والمدرسه ماقل رجال=والنتايج طيبه والسالفه روح وتعال
بين شكل البعير وبين شكل الغزال=ولعي ينار في راس الفتيله ولعي

اكبر القوم في وقت الزحام = صار لقمة صغيره في فمي

فيصل الرياحي:

نارنا ماتنطفي والاوله ماهي بلك=ارجع من العاصمه لاهلك ولاتبرح هلك
انت ماتبغا الذهب ودك تتاجر فالبلك=ولعي ينار في راس الفتيله ولعي

دبروا ورعكم ياهل جهام = غلطة الجن ماهو باادمي

انت يومنك تمطط فالبراطم وش كليت=جيت للبلوى الكبيره ياحبيب وابتليت
وشهو الزاد الذي رحت وكليته ماستحيت=ولعي ينار في راس الفتيله ولعي

تاكل من الغذاء ربع الجرام = زاد ماله حلي ومسمسمي

حبيب العازمي:

ناركم ماخاف منها ولاحد قد شافها=نص منكم قدمها واللي تبقي خلافها
امرحوا فاطرافها ثم اصبحوا فاطرافها=ولعي ينار في راس الفتيله ولعي

علموا فيصل العيه ينام = اترك الشعر مافور دمي

يالرياحي ياعسي الله يرفعك وينزلك =قلت لك لاكن قلبك مايبا ما قلت لك
مانبا نغلط ونجهل والسبب كثر جهلك=ولعي ينار في راس الفتيله ولعي

انت ماتاكل الا من سنام = طابخه عند راع المطعمي

فيصل الرياحي:

إن رقدنا وإن صحينا عاد مانت بهمنا=انت ترقد في مغيب الشمس مانت بيمننا
فرقنا واضح وتلزيق الغراء مالمنا=ولعي ينار في راس الفتيله ولعي

انت ولد المناره والخيام = منت ولد الرسول الهاشمي

عاد ماش الاحبيب موت يتراث العرب=لاتجيبون الصفوف ولاتغنون الطرب
إن غمزناله تكلم وإن قربناله هرب=ولعي ينار في راس الفتيله ولعي

عبر البيت عجل والهمام = انقضه ياحبيب لازمي

حبيب العازمي:

اشهدوا يالحاضرين من الرجال الطيبين=قلت للعيه تعدل قال ابا اشوف ابعدين
هو مغفل مادرى إنّا كلبونا خابرين=ولعي ينار في راس الفتيله ولعي

انت ولد القبور أم العظام = للمقابر واهلها تنتمي

شدحيلك واسر ليلك والغلط منك معروف=دايم الشعار تشهد بالخطايا والصفوف
مار حنا ماتضاعفنا ولانرجي الضعوف=ولعي ينار في راس الفتيله ولعي

هاهنا والفشق ملئ الحزام = حامي الرمي وانت المنرمي

فيصل الرياحي:

صفقوا ياعتيبه الهيلا لهذا المشترك=القعود اللي ليا جبنا له الحمله برك
كل ليله تدخلونه فالمشاكل والشرك=ولعي ينار في راس الفتيله ولعي

خل راسك تحت سيف النظام =اذبحك ثم الفك بعلمي

كل ليل تقول انا والناس قالوا من تكون =وأثر رابح صقر جا ذا الليل عند المكرفون
شلتك ياحبيب الملقوف يملون السجون=ولعي ينار في راس الفتيله ولعي

حبة التوت فطرت الصيام = غيمي ياسحابة غيمي

حبيب العازمي:

مالحقني شك طعطع يامطعطع لف دور=لاتخلينا نخليها علا راسك تدور
انت ابن تسعه شهور وغيرها سبعه شهور=ولعي ينار في راس الفتيله ولعي

كلمتك ماتنقص لي مقام = ادعس الضايعه تحت اقدمي

مادخلت السجن مثلك جالس فيه اشهرين=والبداية والنهاية والموادع مطرقين
كلبوها كلبوها عند ذم المسلمين=ولعي ينار في راس الفتيله ولعي

لوتجيب الحقيقة ماتلام = مار عارض واعرضك اسهمي

انتظر مشاركاتكم ولكم عظيم الشكر ..

تحيتي
..