سلام تسليمة وفا لاستاذنا معجب وصـل=يا شاعر عتيبه نبا منك الفــــرايد جيبها
اللعب مع شرواك نفخر به ليامنه حصــل=اما تجي من دونها والا عساها تصيبها

يامرحبا ترحيب من باب المحبه والوصل=يالشاعر اللي جبتها تمشي على ترتيبها
شرواك طيب الفعل والاخلاق وسمان الخصل=لو ان الايام الجديده ماعرفنا غيبها

الطالب اللي لانصحته قام يبكي ثم فصل=واشيب عينك منه ياراع الوفا واشيبها
الدب يارجال عمره مايجي مثل العصل=والناس تفرقها بقو الدين والا جيبها..؟

سراب اللال

سلام تسليمة وفا لاستاذنا معجب وصـل=يا شاعر عتيبه نبا منك الفــــرايد جيبها
اللعب مع شرواك نفخر به ليامنه حصــل=اما تجي من دونها والا عساها تصيبها

معجب العتيبي

يامرحبا ترحيب من باب المحبه والوصل=يالشاعر اللي جبتها تمشي على ترتيبها
شرواك طيب الفعل والاخلاق وسمان الخصل=لو ان الايام الجديده ماعرفنا غيبها

سراب اللال

ليت المدرس يظبط الطلاب في هاك الفصل=بينك و بين الناس لا تطلع و تكشف عيبها
النسخه اللي معك يا عتيبي نبا منها الاصل=بعض البشر تتعب ولا احدن يا ولد داريبها

معجب العتيبي

الطالب اللي لانصحته قام يبكي ثم فصل=واشيب عينك منه ياراع الوفا واشيبها
الدب يارجال عمره مايجي مثل العصل=والناس تفرقها بحسن الدين والا جيبها..؟

ياللي تصلي ضاعت الركعات قم كرر وصل=والناس لو تخطي وجب في ماحصل تدريبها
ماضن في بعض المساري غير داب وناب صل=لكن حذاري من دروبك قبل لاتسريبها