بعد ما جيت أل عتيبه وانا العضو الجديد = يا سلام الله سلامٍ اعم ابه البلد
قالوا ان الرجل ودك يفيد ويستفيد = والسوالف بيننا يا الدجيماء تنسرد

بعد ماجيت لعتيبه من لسانٍ مِجِيد = الفصاحه ,, مرحبا عدّ زخات البرَد
كان تبغى الفايده عندنا لك مايفيد = وان بغيت الشر لك عندنا شرّ ونكَد

ما حضرت الا وانا طالبيني بالبريد = والحقيقه يا ولد ماحد ايخلي لحد
شد حيلك دام مال الحديد الا الحديد = وعرف ان النار ما بعدها غير الرمد

كل من له علم غانم وله مجدٍ تليد = لالفانا نفتخر ونتشرّف به بعد
اذّن وحنا نبا نلحقك يمّ المسيد = الصلاة الها مواقيت وافطن ياولد

العلوم الطيبه ما يحضرها البليد = واشهد اني ما احب الحسد واهل الحسد
بالكويت وصاحبي من ورا نقرة حميد = ولا حصل من بيننا لا حساب ولا عهد

لاتعرّفني بعسفان وانا اعرف قديد = جوّهن واحد ومعروف ياوجه السعد
اجْلِ خلّك في ديارك ولاتطلع بعيد = البعيد امن المناطق تبا صبر وجلد

العرب متناقضه والعبيد اهم العبيد = ومن يصدر علم . غيره على علمه ورد
جبتها من فوق راسك على نقض القصيد = بعد ما شفت الذيابه رضت بامر الفهد