قصيدة خشمان بن عقيل في (الضيط)
 

هذه اول مشاركه لي في المنتدى واتمنى ان تنال إعجابكم

قصيدة القاها الشاعر خشمان بن عقيل الخضر العضياني في ملتقى الضيط على هامش ملتقى عتيبة
‏(‏(ابدى بذكر مفجر الصخر ينبوع_رب حمى عبده بنصره واجاره_وانظم بيوت بينها الورد مزروع_واختار من قول النشاما خياره_بالصدق اقول الحق والكذب ممنوع_والمدح فاهل الطيب ماهو خساره_سلام ياشيخ له الرأي مسموع_اميرنا وتليق فيه الأماره_شيخ فعوله تجعل الرأس مرفوع_يوم البلاد حروب مسرج مهاره_من روس قوم تعسف الصعب ويطوع_قوم لهم تاريخ مجد وحضاره_بيدينهم سيف من الهند مصنوع_عمهوج رمز للقبيله شعاره_فعله يخلي طاغي الرأس مقطوع_يوم زند الحرب يقدح شراره_بين القبايل يوم طامع ومطموع_طريحهم ماحدن ينادي بثاره_من دون ذودن دونها الدم مدفوع_من دونها يسقيه كأس المراره_وله مجلس بالطيب والعز مشفوع_مشرع للضيف ليله نهاره_يلقى بها الطرقي ملاذ عن الجوع_ودلال رسلان على جال ناره_وسلام للعضيان مثني ومربوع_الآد عاضي كاسبين النماره_لكم علينا حق واضح ومشروع_ياربعنا حق علينا الزياره_حق علينا نوفي الكيل والبوع_في حقكم ياكاسبين الكباره_لعلكم دايم على العز والطوع_وقانونكم مايختلف عن مساره_ياعزوتي لن داحم الكوع بالكوع_وتقارعت جيش المعادي بغاره_شجرة عزاز من اصلها تنبت فروع_والفرع يم اصله وجذعه قراره_وصلاة ربي عد ماخط مطبوع_واعداد مابان الجدي في مداره_على نبي في هدى الدين متبوع_اختاره الله من عباده واجاره
((تقبلوا تحياتي~زلزال ~ كشب))

الغالي / زلزال كشب


نرحب بك اجمل ترحيب بوجودك بيننا اخ عزيز ونرحب بمشاركتك الأولى المميزه التي حضينا بها ..


فـشكرا لك على هذه القصيده الرائعه التي امتعتنا بقرائتها ..


وشاركناك بتنسيقها :)


صح لسان الشاعر / خشمان بن عقيل



لك تحيتي
..

بيض الله وجهك
وصح لسانك

محمد العتيبي'الرويل الاول لاهنتو ومشكوووووورين ع المروووووور