الغرب يصنع طائرات وصواريخ=وحنا بماضينا نعيد النقاشي

والغرب يصنع عاهرات ومفاضيح = والكل يدري ما يبيله نقاشي
بس البلا انّا غافلين(ن) مساميح = نودِع جرايم غيرنا بالقراشي
وامّا خطانا نكتبه بالتصاريح = كل(ن) دَرى بعيوبنا والهواشي
وشلون نشتم ذاتنا يا المفاليح = هل الحضارة ضربنا بالقواشي
درب الحضارة نستضي بالمصابيح = شرع الولي علّام ما في الحواشي
ونعطي طريق الحق دومًا سماميح = نهج النبي عذب(ن) نديّ(ن) هَشاشي
ثم التمسّك بالكرامة سوابيح = في بحر علم(ن) ما يجيه الغباشي
ونعرِض عند النقّاد وجْه التماسيح = اللي عماه الحقد والكره غاشي
*** = ***