نصيحتي قبل الزمـان وخريفـه=التوبه التوبه ونهـج الصحابـه
تلقى ‎السعاده لو حياتـك كفيفـه=وتقنع من‎‏ الدنيا و تنسى الكآبـه
تصبح‎‏ وتمسي ‎بين عزه وخيفـه=ومسجدك عنوانك وتقـرا كتابـه
واتمثل الأمـة بثـوب الحنيفـه=بتوحيدهـا وايمانهـا والإنابـه
وتكبر على ‎مبدا القلوب النظيفـه=طلابت الرضـوان لافـك بابـه
اللي تسابق و المناوي شريفـه=و الروس مرفوعه وفيها لبابـه
حياتها... برياض ربـك مريفـه=وشفاهها... تلهج صلاتي إجابـه
ونسكي‎‏ ومحياي ‎ومماتي‎‏ حتيفـه=لله قربـا قبـل يبـدا حسـابـه
الدين بـاذن الله يحيـي وليفـه=ويعطيه‎‏ من نوره ويعلي جنابـه
و شلون‎‏ ننسى سيرة ابو حنيفـه=وتلميذ مالك وبن حنبـل ودأبـه
والنور كله مع اسـلام الخليفـه=فاروق الامه يـوم ربـه رفابـه
واستنهض القله بكلمـه كليفـه=كنه يقول الحق منهـم اصحابـه
ولسان حاله ما يبا ف السقيفـه=خلت ‎رسول الله‎‏ يعصب ‎العصابه
وينصفهم‎ال صفين والعز سيفـه=تقـول ربانـا" بمقـدم سحابـه
وتقول صور ل طغـاه الكسيفـه=فتح" مصغـر صـوره ال ذهابـه
عنوانه التوحيـد مكـه مصيفـه=اما نعـزه عـز ليـن انحيابـه
ونفرش له الدنيا حرير و قطيفه=والا نمـوت و موتنـا ينحكابـه
دينا" ندينـه و الله (الله حليفـه)=من شذرة احسامه ال هيبة خطابه
ياباغـي العـزه تراهـا منيفـه=وتاريخ اهلها شاهـدا" يقتدابـه
مالك ‎ومال ‎اهل‎العقول‎‏ السخيفـه=غرتهـم الدنيـا جنـاح الذبابـه
و كل الاماني بالحيـاه الكسيفـه=لا واسفـا بالخلـق لا واسفابـه

المشاركة الأصلية كتبت بواسطة ولدعساف (المشاركة 1069693) ماشاء الله على هذه الدره الشعريه .. صلى الله وسلم على نبينا وآل بيته ورضوان الله على صحابته الكرام !! ,, العزه بالعوده الإ طريق الحق الا التوبه والعيش في طاعة الله .. يقول الفاروق رضوان الله عليه : " نحن قومن أعزنا الله بالإسلام فإن أبتغينا العزة فغيره أذلنا الله " فما أحوجنا لهذه الكلمه اليوم !! ,, صح لسانك يالمقاطي مدد بلا عدد .. ودّي وتقديري لشخصك :) !!

صح بدنك


ولا هنت على هالكلمات

ياباغـي العـزه تراهـا منيفـه وتاريخ اهلها شاهـدا" يقتدابـه مالك ‎ومال ‎اهل‎العقول‎‏ السخيفـه غرتهـم الدنيـا جنـاح الذبابـه و كل الاماني بالحيـاه الكسيفـه لا واسفـا بالخلـق لا واسفابـه