بديت باسم الله عليمٍ بالاحوال=الواحد المعبود رب الجلالي
الي بسط سبع الاراضي بالاكمال= وارسى عليهن سود صم الجبالي
ومن فوقهن سبعٍ شديدات باقفال= حراس عرش الملك شهبٍ مدالي
يا هاجسي غيًب وسط غب الاهوال= ولا ترجع الا بالسمان الجزالي
اشوف انا في تالي الوقت موال=على شياب اليوم يا هم لالي
خلوا عوايدهم وجا بوا لنا اشكال=باللبس والهرجه تشوف الهبالي
من هو خبر سلسال في عنق رجال=ولا نعومة هرج عند الجدالي
واللبس بدله عاريه فوق بنطال=سموه طيحني جواب بسؤالي
لا يا شباب اليوم وشين هالحال=وين الرجوله يا عيال الرجالي
اجدادكم تاريخ يضربه امثال= امثال بالشيمه ولبس العقالي
والاول الي مالحق يلبس عقال= صمد معمًه فوق راسه هلالي
وليا عمس راسه يداويه فنجال= ما (رب) في ترمس ربته الدلالي
عاشوا على السنه وتوحيدواجلال= للرب يرجونه طريق العدالي
هذاك وقتٍ فيه لرجل منزال= منزال يرقابه على كل عالي
واليوم جيل العولمه يلبس الشال= وينافسون البيض دل ودلالي

:(



,,


صح لسانك .. والله يهدي شبابنا وينفع بهم الإسـلام والمسلمين !!

على شياب اليوم يـا هـم لالـي

المشاركة الأصلية كتبت بواسطة عبدالمجيد النفيعي (المشاركة 1069238) صح الله لسانك ياابن العم ، والله يهدي الشباب والجميع إن شالله ، بيّض الله وجهك على القصيده اللي تدل على صفاوة معدنك __ اشـوف انــا فــي تـالـي الـوقـت مــوال ,,, عـلـى شـيـاب الـيــوم يـــا هـــم لالـــي شياب اليوم :eek: :)

اجدادكم تاريـخ يضربـه امثـال=امثال بالشيمـه ولبـس العقالـي
والاول الي مالحق يلبـس عقـال=صمد معمًه فـوق راسـه هلالـي
وليا عمس راسه يداويـه فنجـال=ما (رب) في ترمس ربته الدلالـي