سفر الدغيلبي وفلاح الحنان
 

فلاح الحنان



مرحبا مرحبا تريب مثل الذهب
في محل ٍ رقا العليا وعلا بها
يالعتيبي تطالع في ويش السبب
نظرتك لي انا بنشد وش اسبابها




سفر الدغيلبي





والبقاء حسب يمليه سلم العرب
والسلوم العريبه ما انقفل بابها
شفتك تطول الدقن وتحف الشنب
قلت وش هالهدايه ما درينا بها





فلاح الحنان



ودي امشي قبل شمس الخميس تغرب
واصل الديره اللي كثروا احبابها
ابشروا بالهدايه طيب والا غصب
يا شباب ٍ تحط العطر فثيابها




سفر الدغيلبي



كان ما انته بمتجاوز حدود الادب
طابت زيارة الاصحاب لاصحابها
لحية مسيلمه مع لحية ابو لهب
يا عسى يخطي الاجواد ما صابها




الحنان





لا تحرا من السبعان غير العجب
والنشاما لحاها تكرم اشنابها
وش نبي بالعيون اللي بليا هدب
يوم جار الزمان وحتت اهدابها




سفر




يمكن سبيع طربوا في زمان الطرب
لكن اليوم جاء للنار شبابها
للمجانين عدوى مثل عدوى الجرب
والمغفل يناقشها ويبلا بها



الحنان





ويش محرمك لا قلط عليك الشبب
وين دار ٍ تبى تسرح تمشى بها
ول يا ذالعتيبي جاهز ٍ للنشب
لابس ٍ خنجره ويمسح نصابها




سفر



نفخة الصور موعدها البعيد اقترب
علم حضور خلق الله وغيابها
عندي الماص ابو نجمه ودهم الخشب
يا عنا واحد ٍ ما يحسب حسابها





الحنان




القرار النهائي ضاع بين الكتب
مشكله ما لها حل وتسلا بها
كل ما قلت حل المشكله تنسحب
لين حتى ربوعك بازت اعصابها





سفر





لاعب التسليه لو يدخل المنتخب
كورة الفوز وداها ولا جابها
يا سبيعي لو نحول رضانا غضب
ما تذري جبال الارض و اهضابها




الحنان




حسبي الله عليكم وضعكم ملتهب
ليت بقعا تسنعكم بمشعابها

الف شكر لكل من مر من هنا

ياسبيعي لو نحول رضانا غضب _ ماتذري جبال الارض وهضابها _ _ _ أظن المعنى سياسي والله أعلم

مبدع أبو سعد بدون منازع لاعدمناك يالقرم

ولايهون شاعر سبيع

محراااااااااااااف رائع

لاهنت على النقل

الحنان مجرم
ودي امشي قبل شمس الخميس تغرب
واصل الديره اللي كثروا احبابها


وسفر داهيه
كان ما انته بمتجاوز حدود الادب
طابت زيارة الاصحاب لاصحابها

طبت وطاب منقولك


تقبل مرروورري

سفر قسم انك بطل
ومالوم الخفاش يوم انحاش في مكه
ولايهون الشاعر الكبير فلاح الحنان
المثالي
بارك الله بك , شكراً أخي الكريم

الله لا يضرك يابو سعد شاعر مبدع ومتميز دائما


وابي اسال هل السبعان خوال سفر على طول والا خوال ابوه