هلا يامرحبا وليل الســـعادة=بنوره ودَعت ظلــــمة ســـــواده
نهــــارٍ تجتمــــع فيـه القبيـــلة=مع أصحاب المعالي والسـعادة
يشــوش الرأس و الهاجـوس حضَر=بيوتٍ قمت أرتبها بركـاده
أعسف إصعيبـــــها حتى يطــــاوع=مثل فارس تطاوع له جـواده
بيــــوت الشـعر تفخــربي وأنا اللي=لـيا من قمــت فرضـت الإراده
ولا تستغــربون الشيء هـاذا=وأنا راعي شدادً في شــــــــداده
حفيد الشاعـــــــر اللي في زمانه=على شبه الجزيرة له ريـاده
عسى الله يرحمــــه شاعـــر عتيبه=وقف من دونهم وأعلن جهاده
وأنا مـالي عــــــذر دون القبيــلة=مدام إني بعده أحمل شهـادة
هلا بإسم الشــــــــيوخ آلاد ثعـــلي=تراحيبٍ بسم راع السـياده
تراحـــــيب تكـرر كـل لحـــــــظه=أكررها وتبقى في زيـاده
لـيوم الـدين والترحـــيب مـنا=ولنا في كل وقت وصـار عــــاده
يلقَـــــــــنه الرجــل مـــنَا عــــياله=ويحفظه الصـــغَير في مهاده
على ســـــلم العــرب وسلوم أهلنا=حفظــناها مثل حفظ العــباده
عسى الله يحـفظ شيوخ القبيــــــلة=ذرى البيت وحماه وهم عماده
يسولـــــــــف عن فعايلــهم بحـايل=هذاك الطرقي اللي وصل مـاده
بعــد ما طـاب فالـه ثم عوَد=يقول الشمـري قولٍ مــفاده
بياض الوجه للشـــــيخ أبن ثعــلي=لشبّاب أبن ثعلي في بـلاده
عسى الله يرحمه وأن غاب زولـه=بعده شيوخ ورجال وسـاده
وهـذي نارنا يشــــــعم ســــــناها=توقدَ جمرها ماهو رمـاده
قضاة حقـــوق وشـيوخ وعوارف=وأهـــل ميقاف تحماه الإراده
نوقَـف كـــــــل خصــمٍ عند حــدَه=ونبعد كل خصمٍ عن مــــراده
ولا نُغـلــب ونحنُ اللي الغالبينا=وكل خصمٍ يسجلَنا إشـاده
ولا نســـــرف إذا مــنا ولـينا=ولا ندعو إلى حرب الإباده
فعـــــايلنا تبرهنــها المواقـــــــف=ومواقفنا تنومسنا زيـاده
ولانا مـــا تغــيَره اللــــــــــــيالي=لشرع الله ولصحاب القـــيادة
وأخـتم القاف صلى الله على اللي=بعث بالحق والدين ورشاده

المرواني 1 و مطنوخ روق

أسعدني مروركم المشرف بيض الله

وجيهكم ولاهنتوا...

المشاركة الأصلية كتبت بواسطة أبو مرحبا (المشاركة 1071400) عقاب العتيبي صح السانك قصيده كايفه تقبل مروري

المشاركة الأصلية كتبت بواسطة علي فلاح العضياني (المشاركة 1071861) عقاب إنما الشبل من ذاك الاسد صح لسانك حتى ترصى كلام جميل يابو شليل تقبل مروري و إعجابي

المشاركة الأصلية كتبت بواسطة عبدالله الفهد الاسعدي (المشاركة 1071870) صح لسانك ياعقاب مدد بلا عدد قصيدة وافيه من شاعر وافي تقبل مروري المتواضع