الشبح وسوار الذهب................ والابداع
 

حبيب العازمي

سلام تسليم المواجه والمصافح والسلام *** لاصحابنا اللي فالها التقدير عند اصحابها

اقول عبدالله يجيب الجوهرة من شرق شام *** واثره يوديها البحر ويكبها ما جابها


عبدالله الميزاني

يامرحبا بأهل جهام اللي يردون الجهام *** اصحابنا اللي تلحس السكين قبل نصابها

العازمي عيا يفرق فالحلال وفالحرام *** هذا السنه عنده طلوع الشمس مثل غيابها


حبيب العازمي

ولا علاكم زود من باب الوفا والاحترام *** يا اصحابنا اللي تشبك لحاها فروس اشنابها

لحاف من ريش القطا وفراش من ريش النعام *** وارقد على حيد الخباره لين ينقز دابها


عبدالله الميزاني

انته خواتمك اربعه وانته على مسك الختام *** ومطير عن محراب مسجدها تقول حرابها

انته ما عاد الا غيابك صبح وحضورك ظلام *** والبدو ما علم عليها الا نبيح كلابها


حبيب العازمي

عبد الله اللي يذي المذن ويضحك بالانام *** كل المساجد في ديار مطير ما صلابها

وراك ما علمتني يوم ان في صدرك كلام *** تطلق علي من الكلاب كلاب ويش ابغابها


عبدالله الميزاني

مادام اهل يثرب قماري ليش اهل مكه حمام *** يقولها فنانك اللي في سنه غنابها

لاو الله الا ساع وصل الطق في صم العظام *** واقول ياليت الجمال تشوف عوج ارقابها


حبيب العازمي

هاذي من ابواب الترافه واللطافه والغرام *** والبقعتين الله مطهر جوها وترابها

الله يبارك فاللحام اللي نفك ابه اللحام *** والناس باسبابه تثور امع الحضور اعصابها


عبدالله الميزاني

يالله دخيلك من حدوث الذنب ووقوع الاثام *** الله ولا قوم ن رمادتها سنا مشهابها

يالعازمي ويش استفدت من الرصاصه والحزام *** ترا عتيبه مايكلف شي كشف حجابها


حبيب العازمي

الظاهر انك ياولد غازي تحلم فالمنام *** وتشوف ليلى فالمنام مخضبه بخضابها

تراك لوتكشف حساب مطير مافيها ملام *** وان كان ما تقدر تعال اعطيك كشف حسابها


عبدالله الميزاني

انا حلمت انك تبا تخلق من الاقصى سلام *** واللي تكلم عن محياها متى حيابها

ان عشت مانته للسعد وان مت مانته للرحام *** واللي تبا ترضابها العتبان مانرضابها


حبيب العازمي

مانتب نبي الله تكلم وانت في سن الفطام *** وليا جمعت الجن عند الانس فل كتابها

تدعي عليه يوم زايمتك على الدنيا زيام *** تبا تقدم لي هديه والاكيد اولابها


عبدالله الميزاني

مافيه شك انك بقايا صوف من راس السنام *** بس العوازم من يراضيها ليا قلنابها

ابداع عبدالله الميزاني شاعر يابن غازي ولاهان حبيب

الله الله

مثل ماقال صاحبنا .. شاعر يابن غازي وابو فيصل غني عن التعريف :)


المطيعي لاهنت

من أقوى المحاورات اللتي سمعتها على الإطلاق
وكلهم مبدعين من كل النواحي
هذا اليوتيوب للمحاورة كاملة
مع كل الشكر للمطيعي
http://www.youtube.com/watch?v=pzItS...eature=related

لاهنت على المرور

لاهنت على المرور يالكاايد

ماقلت الا الصحيح

تحياتي

لاهنت على المرور


والمعنى غامض


اتمنى من ابوفايح يحلل المعنى


تحياتي

بيض الله وجهك يافهد على المقطع

العفو ياطويل العمر


ولاهنت على المرور


تحياتي