السلام عليكم ورحمة الله وبركاته


مساك الله بالخار


ان كان وقتك يسمح لك

يامرحبا في حلتً فيها طغاء فعل الجميل=ترحيبتً تدبل على مثلك بعشر امثالها
تعال يابراهيم انا وياك والليل الطويل=مع سالفه حلت بروس القوم وابطاء حالها

ابك البقا يا اللي ترحب وش تحط وش تشيل=إن جات ريحٍ عاتيه تشتالك وتشتالها
اليا حظرنا يا ولد مد الجزيله لـالجزيل=والسالفه بين العرب ترجع على من قالها

وبك الضيوف ارخت على روس المعازيب الزبيل=واللي ردعه اسم الحياء بالوقت عانه شالها
بعض الوفاء والطيب للخايب على نفسك سبيل=تفتح له ابوابً عجز ياصلك يوم اقفالها

من عقب ما راحت علومك بين عدل وبين ميل=حافظ على غترتك واحذر لا يميل اعقالها
تراك يا تركي مع أهل المعرفه مطوي صميل=احسب حسابٍ لـالسنه وايامها واليالها

اكيل لاكالو هل الميدان وامثالك تكيل=مار الذلول امست على الطرقه تفل احبالها
فتح عيونك عن سواد الليل لا مر الدليل=واعرف خطوط العرض من جال الحياه الـ /جالها