لكن انا ماجيت للدعوى بلا علم وخبر ........ من عادة الرجـّـال يدري وش يصير و وش يكون..

بكرة ليا من صفو الطابور قدام المقر ......... وكلـّـن يعاين فالوجيه ويحتري ربعه يجون

هذا يحث الناس ويزكـّـن على زيد وعمر ......... وهذا يخمخم نايد العربان لجل يصوتون

أنا معي ربعي ، سعد راسي ، مقابيس الظفر ......... ربعي عتيبة ياعساهم كلهم مايذهبون

اللي حموا ميقافهم في شوبة الموت الحمر ......... ماهم بعجزانين وقت الكهربا والتيلفون

شعارهم وقت المواقف ماعن الصاحب عذر ......... وشعارهم وقت الرخا نكب الشحم فوق الصحون

والله لامدحهم ,,, وامجــّدهم بقول ٍ معتبر .............. عز الله ان لي ربع ... واللي مثل ربعي يمدَحَون