الله ولا لاكلمة اللي تزعلك يافهد = لونها جات والمقصود من دونها
مادام حبل السوالف بيننا ممسد = والله مبغا كثير الناس يوحونها
اللي قصد ياوسيع المعرفه ماقصد = حستك ولا العلوم اللي تقولونها
وأن كان مكفاك عذري لا تسولف لحد = أن غرزت فيك ربعك مايدفونها
لا عاد تنقل سلاحك عقب رميي ركد = وروح أنا وأنت جمرتها وغليونها
وتضيق فيك الفيافي ثم يضيق البلد = الناس في خير والدنيا هذا لونها
وجيك فالعاصمه وحب خشمك بعد = أخشوم الأجواد خلق الله يحبونها
وما رضيت أبكلامي رحت مرواح أسد = ماهو بمرواح عنز الضلع وقرونها

المشاركة الأصلية كتبت بواسطة عبدالله الفهد الاسعدي (المشاركة 1068222) صح لسانك استاذ طلال قصيدة لاتحتاج الى شهادتي شاعر متمكن بكل المقاييس وفقك الله

المشاركة الأصلية كتبت بواسطة الفجـ511ـري (المشاركة 1068253) صح لساانك واافي وجزااك الله خيييييير

المشاركة الأصلية كتبت بواسطة عبدالله الجـــذع (المشاركة 1068427) صح لسانك يابو رغد شاعر مبدع فـ الفنين وفهد بيقبل عذرك ان شاء الله ننتظر جديدك محبك