يا مرحبا واحلا التراحيب ما دن رعاد=في منتدى الهيلا المهيله ربعي عتابه
الشاعر اللي له تجاريب في كل مرصاد=يقرب وحمله يرتكي له والا سرابه

دام البقا ياراعي الطيب كان الجهد عاد=عد الخيال وعد سيله هل السحابه
كان النظر فالبير والجيب مافيه وراد=وكان السنه راحت بليله جر الربابه

السيل مابه شكٍ وريب يا ذخر عباد=واليا درج ما فيه حيله ولا غرابه
تراك منته وايل اكليب للقوم رداد=وايل وقف دون الجليله وقفة ذيابه

السيل يكشف لك عذاريب ياطيّب اجداد=وان كان سيل ابلا مخيله محدن درابه
مافيه رجل ابلا مكاسيب فالملح والزاد = واللي على كبده غليله يتبع سرابه

يا مخربين الشعر تخريب لـ الشعر نقاد=وترا المعاني سلسبيله واعذب شرابه
انتم مقاميعٍ مكاذيب لو يضغط ازناد=من لا عرف قوة قبيله لا وا عذابه