بسم الله الرحمن الرحيم

صبحكم بالخير ,,,مسيكم بالخير جميعاً
انا جايب لكم قصة وقصيده اخذتها من الشاعر ومالك الخيل الشيخ/ قاعد بن حميان الحويقل العتيبي

هذه قصيدة قالها بعد موت فرسة في احد السباقات وقد حصلت على المركز الاول وبعد انتها السباق ماتت الفرس ولقد بكا عليها خيالها وهو احد ابنائه وعندما سأله ابو حميان وش فيك ياولد تبكي قال الفرس ماتت فهاجت قريحت ابو حميان بالقصيده هذي

ياورع وشبك طول ليلك توجد =الامر لله والــبــكا مـــايفيدي
اصبر لا بد المعاويض لا بد= من خالق الاكوان وهو المعيدي
الله من هجس اذا قلت هود =كثرت هواجيسة وجاني جديدي
جاني بوسط البال مصدر ومرد=وان زادها هاجوس الضمايريزيدي
من ماحدث بالبال بالخذ والرد =والا نصحت القلب عيا يهيدي
والبال منها يالغليم تنكد=والله مالوم بحبها ياالوليدي
يالله يالي للمخاليق مسند = ياكاتب بالوح رزق العبيدي
انت الاله اللي عن الشرك مفرد = وبقدرتك تحيي العظام الهميدي
تعوضني في سباقات اعدد= متنوع قرب المدى والبعيدي
مشومر في الوصايف ومهدد= لهل النظر مهي خطات الهبيدي
دقيقه الذرعان والحارك اسند=ورقبة تشد رقاق الحديدي
راحت بميدان المسابق تخدد=لين اعقلتها عين خطو القريبي
ياماحلا صقع الحوافر مع الخد = قدام الملا مثل ضبي الفريدي
وكلاً على ما شافت العين يشهد =والله على ماقول فوق شهيدي

راحت بميـدان المسابـق تخـدد=لين اعقلتها عين خطـو القريبـي