نومي تشاويته على شان موضوع=سبب قلق فكري وعكـر مزاجـه
ابعد علي شوي من حبـة الكـوع=واصعب من الكلمة على شان حاجه
ماهو بنقل سيوف ومقابل جمـوع=وماهو بخوف امن اللقا والمواجـه
إلا سببه الخوف من كـل ممنـوع=خـوفٍ توردنـي دروب العواجـه
مير العلم مرفوع والراس مرفـوع=ولا أدور صيـدتٍ فـي عجـاجـه
اخذت لي من صافي العد قرطـوع=واشرب قراح العد واترك هماجـه
مقطوع من دربه ولاني بمقطـوع=والذيب ما يطمع براس الدجاجـه
العلم مسمـوعٍ ولاهـو بمسمـوع=والصمت حكمه والسماجه سماجـه
أثر البدايه لـوع ونهايتـه لـوع=ولا تفسر في كتـاب ابـن ماجـه
والشهِر عندي عام واليوم بسبوع=كني مريض ازرا يحصـل علاجـه
واللي موصلني لذا الحال موضوع=انهى على حالي وعكـر مزاجـه