سلام وانته يالجذع مذكور في قصر السلام = تلعب مع الشعار مدري وش تبيع وتشتري!!
عطنا علومك والعلوم اتزين مع زين الكلام = خابرك من بعض العلوم الطيبه منت بصري!!

يامرحبا وانته يابو طايل على ريش النعام = قطار عمرك راح وانته في طريقه تحتري!!
اللي يدينه ريعت راس المطية بالخطام = يسوقها من وين لاح البرق بالقلب الجري!!

دام البقاء والطلقة اللي جتك من وسط الحزام = اتعيش واتحصّل كماها من سهوم العبقري!!!
اخذت لك عدة ليالي تدرج شرق ٍ وشام = واخر نتيجة فالقضية متهم مانت بري؟