يا مرحبا بالكبير ومرحبا بالصغير=ترحيبةً واجب الضيفان نبدى بها
يالله تكتب لنا في الأمر خيره وخير=في ليلةٍ لمت الأصحاب بأصحابها

دام البقا والكلام الزين ورد وعبير=حي الله اللي لقا الجزله وغنا بها
في حشمة الدرب والحمله نسوق البعير=لو إنه أصبح بها في الدرب وأمسى بها

الله على كل شيء يالرياحي قدير=يومن ما راح طلبه حي طلابها
يوم انت راعي ضمير وشيخ قوم وشوير=وشلون ما تسكب الدله لشرابها

واصل مسيرك معي والبث عبرالأثير=في صدرك علوم باقي ما سمعنا بها
اللي يبي العلم الأول ما يحب الأخير=وان كان ترضى الأخيره ما رضينا بها

حنا بليا وصاه مواصلين المسير=والطيبه يسلم لسان الذي جابها
الرقم الأول ما هو بيدين عمر وعمير=الرقم الأول بجهد الناس وأتعابها

مدري متى الطير يقدر من تهامه يطير=يسبر جبال السراه وكنه يهابها
الدرس الأول حصل واللي بقى وش يصير=والمرجله ما تقاد إلا من أسبابها

ما ني مغير ديار الدين بديار غير=ما شوقني فيافي نجد وأهضابها
أشوف بحراً عزير وفيه وضعاً خطير=يا مصغر الباخره يا كثر ركابها

أهل تهامه يريدونك تعين سفير=ومؤهلك سادسه ودروجك أولى بها
في الباخره يركب الفراش جنب المدير=بلشه ولاكن حنا ما بلشنا بها

اثر العرب يدهنون السير حتى يسير=نهار أنا ماسك السكين بنصابها

المشاركة الأصلية كتبت بواسطة ثقيف دام عزها (المشاركة 1064767) محاوره مميزه جدا رحمك الله يالرياحي