أنا إحترامي للعطاوي بدر حلال الصَعاب = اللي ليامني نصيته في لزومي سدني
بدر بدر ماهوب غيره جعل غيره للذهاب = أوعدني وجيته على حسب الوعد ثم ردني
بدى براس الضلع ذيب إيجر صوته للذياب = وأنا بعد ماجر صوته للذيابه شدني
وأثره فقط لا رحم أبو من عقبه مثل السراب = لاكن ضوحه عن مواريد العرب مالدني
أرد على عد الروى وروي ظماي أمن الشراب = ويارد ويروى معي من حده ظماه وحدني
ماهيب لحيتة كل شيٍ في زمنا له حساب = مادمت أنا معشيك بكره غصب عنَك غدني
يالربع أبو خالد بنا بيت الوفا من غير باب = بيت أبشر أبعزك وأفاااا / ماهوب بيت المتمدني
عانوه فالظهران ياعتابه عزيزين الجناب = أعده أول بيت في بيوت الكرم ويعدني
واللي مكذبني لا يسكت مستحي ولا يهاب = يقولي يابو رغد أنا مكذب ودني
عساه يبطي حي ماهلو علاه أمن التراب = اللي ليا مني نصيته في لزومي سدني

المشاركة الأصلية كتبت بواسطة علي خيران العتيبي (المشاركة 1062794) يا سلام يا سلام صح لسانك يا بو رغد ابدعت يالذيب :)

المشاركة الأصلية كتبت بواسطة عبدالله الفهد الاسعدي (المشاركة 1062884) كفو ،،،،،،،،،،،، صح لسانك مدد وماقلت الافي من يستحق بيض الله وجهك يابورغد

المشاركة الأصلية كتبت بواسطة جدعان النفيعي (المشاركة 1062888) بيض الله وجهك يآ طلال شاعر جزل صح لسانك لين ترضى تحيتي