مرحبا يا شاعرن مختلف ما انت بعلا = وضعك الأول وأكيد إن عندك مشكله
أحد معطيك الولاء وأحد ما أعطاك الولاء = شايلن حتى القرى فوق رأسك بأكمله

نحمد الله ما إختلفنا على عز وغلا = والليالي ما تغير رفيع المنزله
العرب صلوا سوى يا مصيح فالخلا = وأنت تقرأ لك على الناس حجه باطله

إنكشف سر الإداره وعرفوه الملا= يا مدير الدايره فك بابك وإقفله
العصيمي لابس البشت جنب أبا العلا = والبقيلي مبتلش في عيال الأرمله

أنت ماشاء الله على منهجك كلك حلا = يالعصيمي تحسب إن العباد مغفله
ما ابتلشنا غير فيكم ويا كافي البلا= يوم ننهي مرحله تبتدون بمرحله

نعلم إن الحنظله لا ظلال ولا كلا= لو نسورها بريحان تبقى حنظله
يا حددنا فرقوا في جماعه وزملاء = يعلو الحاجب على العين والعين أسفله

البلا في قلوبكم طول الأيام تغلا= تطلعون كدي وتعودن المسفله
يا كثيرين الصوايح قليلين الحلا = تتبعون القافله في مسير القافله

نجمنا فوق المجره تعلا وإعتلا = وأنت نجمك في نطاق النجوم المهمله
الذيابه قامت تحوف رعيان الفلا = وش مصير الراعي اللي فقد مستقبله

العلم مرفوع حول السموات العلا= وأطلق الشعار تنهيه منا البسمله
تدري إن القلب ماله حياه بلا كلى = وأنت لو قلنا لك القلب ما تستاهله

أنت قلبك من صدى الغبن باقي ما انجلا = يمكن الله يغسله فالليال المقبله