المشهد اللي حيرك يابن دماس = أكبر دليل إنك بتالي الزماني
لو كان بعده تضرب أخماس وأسداس= دنياك هذي تخلف المودماني
دنياك محتاسة وصاحبك منحاس = شاف الهوايل في زمان الهواني
لو قلت بأن السالفة تتعب الراس = جابت لصاحين العقول الجناني
مدري البلا في الوقت ولا هم الناس= ما عاد تفرق يا وسيع البطاني
أحفاد ابو بكر وعمر وابن عباس = صارت هممهم بين خمر وأغاني
شفت الصغار اللي تنادوا على الكاس = وكبارهم غنوا يا دانه يا داني
طاح الجدار اللي مشيد على ساس = ولا عاد يحسب من حساب المباني
كل يصيح اليوم والوضع حساس = لكن ربي كاتب شي ثاني
يا رب جنبنا عن دروب الانجاس = ويارب وصلنا لبر الاماني
وانا عرفت اللي حصل لابن دماس = شاف الهوايل في زمان الهواني

المشاركة الأصلية كتبت بواسطة فلاح القحطاني (المشاركة 1060967) مدري البلا في الوقت ولا هم الناس= ما عاد تفرق يا وسيع البطاني أحفاد ابو بكر وعمر وابن عباس = صارت هممهم بين خمر وأغاني شفت الصغار اللي تنادوا على الكاس = وكبارهم غنوا يا دانه يا داني طاح الجدار اللي مشيد على ساس = ولا عاد يحسب من حساب المباني كل يصيح اليوم والوضع حساس = لكن ربي كاتب شي ثاني يا رب جنبنا عن دروب الانجاس = ويارب وصلنا لبر الاماني وانا عرفت اللي حصل لابن دماس = شاف الهوايل في زمان الهواني