ياما حلا ياعبيد في وقت لاسفار
جذب الفراش وشب ضو المناره
مع دلة تجذا على واهج النار
ونجر الي حرك تزايد عباره
النجر دق وجاوبه كل مرار
مالفه الملفوف من دون جاره
واخير منها ركعتين بالسحر
لاطاب نوم اللي حياته خساره
تلقاه في يوم يضيعن الافكار
يوم على المخلوق ماطول نهاره
وقم في قصير البيت حشمه ومقدار
لوجار فدمح له ولوبه خساره
ترى النبي وصى على الجار لوجار
خذ الحذر ياعبيد عقب النذاره
رافق قوي الدين حفاض الاذكار
ينفعك في يومن يجيبه كراره
ترى الهواءوالغي هن شر الاشرار
ومن داس عار الناس داسو لاعاره
جنب ردي الكار مافيه تعبار
مافبه من فعل المناعير شاره
جنب عنه خله لقصاف الاعمار
واحفظ وصاتي يارفيع المناره
وسلم ودم بالخير ياطير غيمار
وصلو على المختار ماغار غاره