عبدالله بن شايق في قصر الجلسان والعديد من الشعراء
 

السلام عليكم ورحمة الله وبركاته


البارحه حفله في الرياض 18/7/1431 هـ


وحضرها شعراء من عمالقة الشعر على راسهم


الشاعر الكبير / عبد الله بن شايق , والشاعر / فهد العازمي , والشاعر / مرزوق المقاطي , والشاعر مشخص الفهري , والعديد من الشعراء ,


وكان هناك طواريق حماسيه جداااااً وسوف احضر لكم طاروق جمع بين


الشاعر الكبير/ عبدالله بن شايق ,, والشاعر المبدع / مرزوق المقاطي



عبدالله بن شايق


قولو بسم الله خير البدايه يا نبيه=ثم قول الحمد لله رب العالمين
اهدنا السراط سراط من انعم عليه=غير المغضوبي عليهم ولا الضالين امين


مرزوق المقاطي


ابد بسم الله والمصطفى صلو عليه=اسمعو يامن حضر واشهود يا مسلمين
والله اني محتسي بالريال وبالجنيه=وان دفعت اريال ذليل نعطيك اريالين


عبد الله بن شايق


لو يمين الرجل ياكل بها مما يليه=كان ماخذتو واخذنا حقوق الأخرين
الضروف احيان(ن) اتخلي العاقل سفيه=وانته الي تدفع الوحده والأثنتين



مرزوق المقاطي


احسبنك تنطق الحق واثرك ما تبيه=تاكل الي تاجده بالشمال او باليمين
سيفي الي لجلكم فالشدايد محتسيه=يقطع لأرقاب والموت في حبل الوتين


عبدالله بن شايق


ما تمشيها علي هيه يا هيه ابن هيه=ابك هاذي خلها لصغير والجنين
سيفك الي في يدينك تشده وتحنيه=انكسر في يدك واصبح بيدك كسرتين


مرزوق المقاطي


ابن شايق لو لقى الحر يمكن يشتويه=يحسب(ن) الرين ما غيرها في نجد رين
انت رجال(ن) تصوغ الذهب وانا اشتريه=والله اني فاطن(ن) لك عسى راسك فطين


عبد الله بن شايق


ابن شايق يرقب الحر باقي يحتريه=روح للي مانظر فيك غير بنص عين
احترمك اولا حسبك من مشاريع الفقيه=انت من روس العرب ياعشير الغانمين


مرزوق المقاطي


والله انا قسمنا بين بيضان الوجيه=مثل قسم الذيب بين التفه وابالحصين
احترمك اولا دريت ان عقلك ترلاليه=لين شفتك رحت ليسار واتعود يمين



تقديري ,,,

لاهنت يالحكم على المتابعه



ودي اعلق على بعض البيوت كما توعدنا في المنتدى من الاعضاء


قولو بسم الله خير البدايه يا نبيه=ثم قول الحمد لله رب العالمين


مره ذكر جمع ومره افراد وهذا يحسب ضد الشاعر


اهدنا السراط سراط من انعم عليه=((غير المغضوبي عليهم ولا الضالين امين))


لا اعلم هل يصح هذا او لا وهل ان صح يعد اسقاطات ننتظر رد الاعضاء




لو يمين الرجل ياكل بها مما يليه=كان ماخذتو واخذنا حقوق الأخرين


ابن شايق ضد الرجل ياكل بثتين ثم ذكر بالعجز انه منهم واحذنا حقوق الاخرين




احسبنك تنطق الحق واثرك ما تبيه=تاكل الي تاجده بالشمال او باليمين


قلب كلام ابن شايق عليه



ما تمشيها علي هيه يا هيه ابن هيه=ابك هاذي خلها لصغير والجنين


ما ادري كيف احد يقدر يمشي امور على الجنين وهو في بطن امه!!!

تغني بالقرءان الكريم وإمتهان لإياته الطاهره

والا وش رايك يالحكم خلك حكم

http://www.youtube.com/watch?v=PSF3itS_3P0

تصوير تركي الحربي

مساكم الله بالخير جميعا مشرفين واعضاء منتديات الهيلا


اول شي انا مدري ليه اذا نزل موضوع عن ابن شايق يكثر الكلام ويطول النقاش بلا فائدة وكم موضوع


اغلق نتيجة التشعب خارج الموضوع ولاكن اقول يبقى الجبل جبلا مهما كانت الرياح


ارجع لكلامك يابن روق واقولك :


ابن شايق قال : قول بسم الله خير البداية يانبيه >> يخاطب مرزوق مايخاطب الجميع والبيت واضح

ولااعتقد انه راح يقول قولو لانه راح تكسر البيت


لو يمين الرجل ياكل بها مما يليه *** كان ماخذتو واخذنا حقوق الاخرين

بيت وااضح ولافيه شي

واذا انت بتنتقد ابن شايق بهذ الاسلوب الحاقد وبنية تنزيل مستواه فانا لي كذالك نقد على ابيات


مرزوق المقاطي يقول :

ابد بسم الله والمصطفى صلو عليه *** اسمعو يامن حظر واستعدو يامسلمين

ابد بسم الله كان يخاطب مفرد والمصطفى صلو عليه اصبح هنا يخاطب الجمع وكذالك الشطر الثاني


سيفي اللي لجلكم فالشدايد محتسيه ليه مرق هو يحتسيه ليه ماقال مقتنيه

لين شفتك رحت ليسار واتعود يمين كلمة يمين تكررت مرتين


مع احترامي للشاعر مرزوق المقاطي شاعر وكفو وانا من المتابعين له وبقوة

مدري حكمت علي اني حاقد وانت لا تعرفني ولا اعرفك ثم ليه احقد عطني سبب مقنع




صراحه كنت برد عليك

لكن يوم قريت كلامك في بيت مرزوق الاول عرفت انك تجادل بس

يا شعراء المنتدى


فيه رجال عندي يقول هذا البيت مكسور


اهدنا السراط سراط من انعم عليه=غير المغضوبي عليهم ولا الضالين امين




ياليت توضحون

ابن شايق يزعم ان مرزوق ماراح يمرر عليه شي
ما تمشيها علي هيه يا هيه ابن هيه=ابك هاذي خلها لصغير والجنين

لكن انا قول مرزوق مررها عليه وفالثمانيات
انت رجال(ن) تصوغ الذهب وانا اشتريه=والله اني فاطن(ن) لك عسى راسك فطين
في طين